Exit poll مالىمەتىنشە، قاسىم-جومارت توقايەۆ 70،13 پايىز داۋىس جيناعان.
بۇل تۋرالى "قوعامدىق پىكىر" ينستيتۋتىنىڭ كەڭەس ءتورايىمى اينۇر ءماجيتوۆا نۇر-سۇلتانداعى بريفينگتە جاريالادى.
Exit poll ناتيجەسى تومەندەگىدەي:
جامبىل احمەتبەكوۆ - 3،86
دانيا ەسپايەۆا - 5،32
ءامىرجان قوسانوۆ - 15،39
تولەۋتاي راحىمبەكوۆ - 3،03
امانگەلدى تاسپيحوۆ - 1،41
كاسىم-جومارت توقايەۆ - 70،13
سادىبەك تۇگەل - 0،86
"قوعامدىق پىكىر" ينستيتۋتى كۇنى بويى سايلاۋ ۋچاسكەلەرىندە ازاماتتارمەن ساۋالداسىپ Exit poll جۇرگىزدى. بارلىعى 325 سايلاۋ ۋچاسكەسىندە سايلاۋشىلارمەن پىكىرلەستىك. سونىڭ ىشىندە وبلىس ورتالىقتىرى مەن نۇر-سۇلتان، الماتى جانە دە شىمكەنت قالالارىندا 97 ۋچاسكى، شاعىن قالالاردا 94 ۋچاسكە، ال اۋىل وكرۋگتەرىندە 134 ۋچاسكە قامتىلدى"، - دەدى اينۇر ءماجيتوۆا.
ەسكەرتە كەتەلىك، بۇل كورسەتكىشتەر "قوعامدىق پىكىر" ينستيتۋتىنىڭ سايلاۋ ۋچاسكەلەرىندە جۇرگىزگەن ساۋالناماسىنىڭ ناتيجەسىندەگى ەكزيت-پولل كورسەتكىشى. قاتەلەسۋ مۇمكىندىگى - 3 پايىز.
وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ سايلاۋ كوميسسيالارىنىڭ ۇسىنعان مالىمەتىنە سايكەس، سايلاۋدا حالىقتىڭ 77،4 پايىزى داۋىس بەرگەن.
سايلاۋ ۋچاسكەلەرى جەرگىلىكتى ۋاقىتپەن تاڭعى 07:00-دە جۇمىسىن باستاپ، كەشكى 20:00-دە جابىلدى. قازاقستاندىقتار ون مىڭعا جۋىق سايلاۋ ۋچاسكەسىندە داۋىس بەردى.
ۋاقىت بەلدەۋىنە بايلانىستى اقتوبە، اتىراۋ، باتىس قازاقستان، ماڭعىستاۋ جانە قىزىلوردا وبلىستارىنداعى سايلاۋ ۋچاسكەلەرى ەلوردا ۋاقىتىمەن جۇمىسىن 08:00-دە باستاعان بولاتىن.
وسى جولعى پرەزيدەنت سايلاۋىندا تىزىمگە ەنگىزىلگەن سايلاۋشىلار سانى 11 ميلليون 947 مىڭ 995 ادامدى قۇرادى.
سايلاۋ كەزىندە داۋىس بەرگەن ازاماتتاردىڭ اراسىندا وتكىزىلەتىن ءانونيمدى ساۋالناما "Exit Poll" دەپ اتالادى. ەكزيت-پولل سايلاۋدىڭ الدىن الا ناتيجەسىن جاساۋ ارقىلى ونى بۇرمالاۋعا جول بەرمەيدى.
"سايلاۋ تۋرالى" كونستيتۋسيالىق زاڭعا سايكەس، قوعامدىق پىكىرگە ارنالعان ساۋالنامانى زاڭدى تۇلعالار وتكىزە الادى.
وسى جولعى پرەزيدەنتتىك سايلاۋ كەزىندە ورتالىق سايلاۋ كوميسسياسى سوسيولوگياىق زەرتتەۋلەردى وتكىزۋ بويىشا ەكى ۇيىمنىڭ قۇجاتتارىن قابىلدادى. ولار - "قوعامدىق پىكىر" ينستيتۋتى" قوعامدىق ۇيىمى جانە "جاستار" عىلىمي-زەرتتەۋ ورتالىعى" ج ش س.
بۇدان بۇرىن توقايەۆ بارلىق وپپوزيسيالىق كۇشتەردى اشىق ديالوگكە شاقىرعان بولاتىن.
"جاستاردىڭ بيلىككە قارسى شىعىپ-شىقپاۋى ماڭىزدى ەمەس. مەن جاستار ساناتىنا كىرەتىندەردىڭ بارلىعى حالقىمىزدىڭ الدىندا تۇرعان ماڭىزدى ماسەلەلەردى شەشۋ جولىندا بىرىگەتىنىنە سەنەمىن. الەم تۇراقسىز بولىپ بارادى. سوعان قاراماستان، ءبىز ادامداردىڭ پىكىرىنە قۇرمەتپەن قارايمىز. ءبىز بيلىككە قارسى ادامدارمەن دە، قولدايتىندارمەن دە اشىق ديالوگ جۇرگىزۋگە دايىنبىز"، - دەدى توقايەۆ ءوزى داۋىس بەرگەن ۋچاسكەدە.
"مەن بارلىق زاڭ ورگاندارىنا ازاماتتار تاراپىنا دۇرىس جۇمىس جاساۋدى تاپسىردىم. كەشىرىلمەيتىن قىلمىستار دا بولادى، ارينە. ءبىراق پىكىر ايتۋعا بارلىعى قۇقىلى. مەن جاستاردى بيلىك باعىتىنا سابىرمەن قاراۋعا شاقىرامىن.ءبىز ەلىمىزدى دامىتۋ ءۇشىن ءبار بولۋىمىز كەرەك، اشىق ديالوگتار ۇيىمداستىرۋىمىز كەرەك"، - دەگەن-تۇعىن قاسىم-جومارت كەمەل ۇلى.
