Energetika ministri Erlan Aqkenjenov Májilis dálizinde jýrnalisterge bergen suqbatynda Qazaqstanda bolýy yqtimal blekaýt táýekelderine toqtaldy, dep habarlaidy Dalanews.kz.
Jýrnalister ministrden keshegi jaryqsyz qalǵan Eýropany mysalǵa keltire otyryp, "osyndai jaǵdai Qazaqstanda da qaitalanýy múmkin be" dep surady.
"Ondai qaýip joq, óitkeni Qazaqstanda jańartylatyn energiia kózderinen alynatyn energiia kólemi nebári 6,3%-dy quraidy. Al Eýropada bul kórsetkish 43%-dy quraidy. Bul - aitarlyqtai úles, óitkeni jel nemese kún bolmasa, elektr energiiasy da óndirilmei qalady, bizde mundai bolmaidy, óitkeni bizde dástúrli generatsiianyń úlesi joǵary", - dep túsindirdi ministr.
Aita ketsek, 2025 jyly 28 sáýirde Eýropa (tórt memleket) jappai jaryqsyz qaldy. Keiinirek Ispaniia men Portýgaliiada toqtyń óshýine elektr jelisindegi aqaýlyqqa ákelip soqtyrǵan sirek kezdesetin atmosferalyq qubylys túrtki ekeni aityldy. Sondai-aq kibershabýyl jasalý yqtimaldylyǵy da joqqa shyǵarylmaidy. Muny arnaiy qurylǵan komissiia zerttep, onyń qorytyndysy keiinirek jariialanatyn bolady.
