ەنەرگەتيكا ءمينيسترى ەرلان اقكەنجەنوۆ ءماجىلىس دالىزىندە جۋرناليستەرگە بەرگەن سۇقباتىندا قازاقستاندا بولۋى ىقتيمال بلەكاۋت تاۋەكەلدەرىنە توقتالدى، دەپ حابارلايدى Dalanews.kz.
جۋرناليستەر مينيستردەن كەشەگى جارىقسىز قالعان ەۋروپانى مىسالعا كەلتىرە وتىرىپ، "وسىنداي جاعداي قازاقستاندا دا قايتالانۋى مۇمكىن بە" دەپ سۇرادى.
"ونداي ءقاۋىپ جوق، ويتكەنى قازاقستاندا جاڭارتىلاتىن ەنەرگيا كوزدەرىنەن الىناتىن ەنەرگيا كولەمى نەبارى 6،3%-دى قۇرايدى. ال ەۋروپادا بۇل كورسەتكىش 43%-دى قۇرايدى. بۇل - ايتارلىقتاي ۇلەس، ويتكەنى جەل نەمەسە كۇن بولماسا، ەلەكتر ەنەرگياسى دا وندىرىلمەي قالادى، بىزدە مۇنداي بولمايدى، ويتكەنى بىزدە ءداستۇرلى گەنەراسيانىڭ ۇلەسى جوعارى"، - دەپ ءتۇسىندىردى مينيستر.
ايتا كەتسەك، 2025 جىلى 28 ساۋىردە ەۋروپا (ءتورت مەملەكەت) جاپپاي جارىقسىز قالدى. كەيىنىرەك يسپانيا مەن پورتۋگاليادا توقتىڭ وشۋىنە ەلەكتر جەلىسىندەگى اقاۋلىققا اكەلىپ سوقتىرعان سيرەك كەزدەسەتىن اتموسفەرالىق قۇبىلىس تۇرتكى ەكەنى ايتىلدى. سونداي-اق كيبەرشابۋىل جاسالۋ ىقتيمالدىلىعى دا جوققا شىعارىلمايدى. مۇنى ارنايى قۇرىلعان كوميسسيا زەرتتەپ، ونىڭ قورىتىندىسى كەيىنىرەك جاريالاناتىن بولادى.
