Eýroodaq Reseige qarsy sanktsiia qysymyn taǵy da kúsheitý maqsatynda 21-shi sanktsiialyq paketin daiyndai bastady. Qazir komissiia jabyq otyrysynda onyń quramyna kiretin kompaniialar men jeke tulǵalardy talqylap jatyr. Briýssel bul joly kezekti shekteý paketin Resei ekonomikasynyń bank sektoryna, kriptoinfraqurylymǵa, dron óndirisine, munai saýdasyna jáne “kóleńkeli flotqa” baǵyttamaq, dep habarlaidy dalanews.kz.
Sebebi buǵan deiin qabyldanǵan 20-shi sanktsiialyq tizimge Qazaqstannan United Trading Group kompaniiasy kirgen bolatyn. Reuters dereginshe, bul kompaniia Reseige jartylai ótkizgish óndirisinde qoldanylatyn himikat jetkizý tizbegine qatysady degen kúdikke ilingen. Eýroodaq Qazaqstanǵa qarsy memlekettik sanktsiia engizbeitini anyq. Qazir kári qurlyq Qazaqstandaǵy jekelegen kompaniialardyń, deldaldardyń, qarjy institýttarynyń jáne logistikalyq arnalardyń Reseige sanktsiiany ainalyp ótýge kómektespeýin qatań baqylap otyr. Bul saiasi másele emes. Bul eń aldymen komplaens máselesi.
«Reseidiń iri bankteri sanktsiia astynda qalǵan saiyn, reseilik kompaniialar tólem júrgizýdiń balama joldaryn izdeidi. Mundai jaǵdaida úshinshi elderdiń bankteri, tólem uiymdary, kriptoplatformalary nemese deldaldyq qurylymdary táýekel aimaǵyna kiredi. Árine, Qazaqstan bankteri sońǵy jyldary sanktsiialyq komplaenske óte saq qarai bastady. Bul durys. Sebebi bir kúmándi tranzaktsiianyń ózi bank úshin korrespondenttik qatynastarǵa, dollarlyq esep aiyrysýǵa jáne halyqaralyq bedelge soqqy bolýy múmkin. Sanktsiialyq komissiia da osy tizbekterdi baqylap otyr. Ázirge Qazaqstandyq eshbir uiym sanktsiiaǵa ilikpeidi degen garantiia joq», - deidi DALA INSIDE derekkózi.
Endi Briýssel taýardyń sońǵy tutynýshysyna ǵana emes, búkil jetkizý tizbegine qaraidy. Qai elden shyqty, qai kompaniia satyp aldy, qai bank tólem ótkizdi, qai qoimada saqtaldy, qai baǵytpen jetkizildi, sońynda kim paidalandy, osynyń bári tekseriledi.
Qazaqstan pragmatikalyq ustanymyn jaqsy saqtaýda. Biz Reseige qarsy sanktsiialarǵa qosylǵan joqpyz, biraq óz aýmaǵymyzdyń sanktsiiany ainalyp ótýge paidalanylýyna da múddeli emespiz. Bul óte názik balans. Sebebi Qazaqstan Reseimen uzyn shekara, ortaq naryq, EAEO, tranzit jáne óndiristik bailanystar arqyly tyǵyz bailanysqan. Sonymen qatar Qazaqstan Eýroodaqpen investitsiia, munai, ýran, sirek metaldar, kólik dálizderi jáne tehnologiia salasynda áriptestikti tereńdetip keledi.
DALA INSIDE kezekti sanktsiia paketiniń quramyn baqylap otyrmaq.
