Qazaqstandyq birqatar kompaniia Eýropalyq odaqtyń jańa sanktsiialar paketine iligýi múmkin. Bul týraly Eýrokomissiia tóraǵasynyń orynbasary Kaia Kallas málimdedi, dep habarlaidy dalanews.kz.
Onyń aitýynsha, jańa shekteýler Eýroodaqtyń pikirinshe Reseidiń áskeri-ónerkásiptik keshenine qoldaý kórsetip otyrǵan túrli elderdegi shamamen 50 kompaniiany qamtidy.
Sanktsiia tiziminde Qytai, Túrkiia, Qyrǵyzstan, Birikken Arab Ámirlikteri jáne Úndistanmen qatar Qazaqstan da atalǵan. Alaida qandai qazaqstandyq kompaniialardyń shekteýlerge ushyraýy múmkin ekeni ázirge naqtylanbaǵan.
Sondai-aq Eýroodaq eksporttyq baqylaýdy kúsheitip, birqatar metall, himiialyq zattar, avtokólik bólshekteri jáne ózge de taýarlardyń jetkizilýine qosymsha shekteýler engizýdi josparlap otyr.
Jalpy alǵanda, 21-sanktsiialar paketi eń aýqymdy sharalardyń biri bolýy múmkin. Qujatqa shamamen 90 reseilik bankti engizý usynylǵan. Budan bólek, Ýkrainadaǵy soǵys bastalǵannan keiin Resei Qarýly kúshterinde qyzmet etken adamdardyń Eýroodaq aýmaǵyna kirýine alǵash ret tyiym salý kózdelip otyr.
Aita keteiik, bul Qazaqstan kompaniialarynyń sanktsiialyq tizimderde alǵash ret atalýy emes. Buǵan deiin de qazaqstandyq kásiporyndar osyǵan uqsas sebeptermen Eýroodaqtyń sanktsiialaryna ilingen bolatyn.
