Қазақстандық бірқатар компания Еуропалық одақтың жаңа санкциялар пакетіне ілігуі мүмкін. Бұл туралы Еурокомиссия төрағасының орынбасары Кая Каллас мәлімдеді, деп хабарлайды dalanews.kz.
Оның айтуынша, жаңа шектеулер Еуроодақтың пікірінше Ресейдің әскери-өнеркәсіптік кешеніне қолдау көрсетіп отырған түрлі елдердегі шамамен 50 компанияны қамтиды.
Санкция тізімінде Қытай, Түркия, Қырғызстан, Біріккен Араб Әмірліктері және Үндістанмен қатар Қазақстан да аталған. Алайда қандай қазақстандық компаниялардың шектеулерге ұшырауы мүмкін екені әзірге нақтыланбаған.
Сондай-ақ Еуроодақ экспорттық бақылауды күшейтіп, бірқатар металл, химиялық заттар, автокөлік бөлшектері және өзге де тауарлардың жеткізілуіне қосымша шектеулер енгізуді жоспарлап отыр.
Жалпы алғанда, 21-санкциялар пакеті ең ауқымды шаралардың бірі болуы мүмкін. Құжатқа шамамен 90 ресейлік банкті енгізу ұсынылған. Бұдан бөлек, Украинадағы соғыс басталғаннан кейін Ресей Қарулы күштерінде қызмет еткен адамдардың Еуроодақ аумағына кіруіне алғаш рет тыйым салу көзделіп отыр.
Айта кетейік, бұл Қазақстан компанияларының санкциялық тізімдерде алғаш рет аталуы емес. Бұған дейін де қазақстандық кәсіпорындар осыған ұқсас себептермен Еуроодақтың санкцияларына ілінген болатын.
