2025 jyly 24 aqpanda Eýroodaq keńesi Ýkraınaǵa jasalǵan áskerı shabýyldyń úsh jyldyǵyna oraı Reseıge qarsy 16-sanksıalar paketin engizdi.  Oǵan sáıkes, EO Reseıdiń 13 bankin Swift tólem júıesinen ajyratty. Bankterdiń naqty tizimi áli belgisiz. Sondaı-aq, Reseı áskerı-ónerkásiptik keshenin qoldaıtyn jáne Reseı Federasıasyna sanksıalardy aınalyp ótýge kómektesetin 53 jańa sýbekt anyqtaldy.Olardyń arasynda qazaqstandyq kompanıalar bary da aıtylady, dep jazady Dalanews.kz.

QR Saýda jáne ıntegrasıa mınıstrligi LSM basylymyna bergen jaýabynda bul sanksıalar tizimine Qazaqstannyń eki kompanıasy ilingenin rastapty, biraq ataýlary atalmaǵan.  

"Reseıdiń bank jáne qarjy júıesi úshin mańyzdy dep sanalatyn 13 aımaqtyq bankke shekteý engizý týraly sheshim qabyldandy", delingen habarlamada.

Sondaı-aq, Reseı áskerı-ónerkásiptik keshenin qoldaıtyn jáne Reseı Federasıasyna sanksıalardy aınalyp ótýge kómektesetin 53 jańa sýbekt anyqtaldy.

Bul sýbektilerdiń de tizimi áli jarıalanǵan joq, biraq olardyń úshten biri reseılik, al qalǵandary úshinshi elderde, sonyń ishinde Qytaıda, Úndistanda, Qazaqstanda, Sıngapýrda, Túrkıada, BAÁ jáne Ózbekstanda ornalasqan.

Qos maqsattaǵy, sondaı-aq Reseıdiń qorǵanys jáne qaýipsizdik sektoryn tehnologıalyq jaǵynan jetildirýge yqpal etetin taýarlar men tehnologıalardy qamtıtyn bul sýbektiler qatań eksporttyq shekteýlerge ushyraıtyny naqtylanady.

16-sanksıalar paketiniń avtorlarynyń pikirinshe, bul sýbektiler "saýda shekteýlerin aınalyp ótýge qatysty nemese, mysaly, Reseıdiń áskerı operasıalary úshin paıdalanylatyn ushqyshsyz ushý apparattary men zymyrandar úshin qajetti sezimtal taýarlardy satyp alýmen aınalysqan".

Sonymen qatar, Reseıge taýarlardyń jańa sanattaryn jetkizýge tyıym salyndy. Olar hımıalyq hlorpıkrın prekýrsorlary, stanoktarǵa arnalǵan baǵdarlamalyq jasaqtama, hrom qosylystary jáne drondardy basqarý úshin qoldanylatyn kontrollerler bolyp keledi.

EO Eýropada segiz reseılik BAQ-tyń habar taratýyna tyıym saldy. Atap aıtqanda, EADaily/Eurasia Daily, Fondsk, Lenta, NewsFront, RuBaltic, SouthFront, Strategic Culture Foundation jáne Krasnaya Zvezda/Tvzvezda. Bul rette Eýropalyq Odaqtyń negizgi quqyqtar týraly hartıasyna sáıkes tıisti sharalar osy BAQ pen olardyń qyzmetkerlerine EO-da ózge qyzmetti júzege asyrýǵa, mysaly, zertteýlermen aınalysýyna kedergi bolmaıdy.

Buǵan deıin saıtymyzda "AQSH-tyń antıreseılik kezekti sanksıasynan keıin munaı baǵasy sharyqtap shyǵa keldi" degen maqala jarıalanǵan bolatyn.