Euronews telearnasy Astana halyqaralyq qarjy ortalyǵynda Euronews Astana Ltd enshiles kompaniiasyn tirkedi, dep habarlaidy Dalanews.kz.
AHQO saitynda kompaniianyń 7 qarashada tirkelgeni týraly derek keltiriledi.
Aita ketsek, QR Mádeniet jáne aqparat ministri Aida Balaeva men Euronews Direktorlar keńesiniń tóraǵasy Pedro Vargas Devid 2024 jylǵy tamyzda Euronews-tiń Ortalyq Aziia boiynsha ókildigin ashý týraly kelisimge qol qoiǵan bolatyn.
Euronews komandasy Qazaqstan týraly birneshe baǵdarlamany josparlap qoiǵan: "Qazirgi kóshpendiler" (Modern Nomads) — qazaqtardyń óneri, mádenieti jáne ómir salty týraly teleshoý; "Shyǵys pen Batystyń bailanysy" - eldegi iskerlik jáne ekonomikalyq oqiǵalarǵa qatysty sholý; "Ortalyq Aziia úni" - óńirdegi tanymal qairatkerlermen suqbattar; "Fokýs" - óńirdegi mańyzdy is-sharalardan reportajdar berý (Focus).
Euronews — álemdik oqiǵalardyń beine hronikasy men 17 tildegi aýdio túsiniktemelerdi biriktiretin táýlik boiy álemniń 160 elinde jumys isteitin Eýropalyq jańalyqtar arnasy.
Bas keńsesi Frantsiianyń Lion qalasynda ornalasqan.
