Euronews تەلەارناسى استانا حالىقارالىق قارجى ورتالىعىندا Euronews Astana Ltd ەنشىلەس كومپانياسىن تىركەدى، دەپ حابارلايدى Dalanews.kz.

احقو سايتىندا كومپانيانىڭ 7 قاراشادا تىركەلگەنى تۋرالى دەرەك كەلتىرىلەدى.

ايتا كەتسەك، ق ر مادەنيەت جانە اقپارات ءمينيسترى ايدا بالايەۆا مەن Euronews ديرەكتورلار كەڭەسىنىڭ ءتوراعاسى پەدرو ۆارگاس ديەۆيد 2024 جىلعى تامىزدا Euronewsء-تىڭ ورتالىق ازيا بويىنشا وكىلدىگىن اشۋ تۋرالى كەلىسىمگە قول قويعان بولاتىن.

Euronews كومانداسى قازاقستان تۋرالى بىرنەشە باعدارلامانى جوسپارلاپ قويعان: "قازىرگى كوشپەندىلەر" (Modern Nomads) — قازاقتاردىڭ ونەرى، مادەنيەتى جانە ءومىر سالتى تۋرالى تەلەشوۋ؛ "شىعىس پەن باتىستىڭ بايلانىسى" - ەلدەگى ىسكەرلىك جانە ەكونوميكالىق وقيعالارعا قاتىستى شولۋ؛ "ورتالىق ازيا ءۇنى" - وڭىردەگى تانىمال قايراتكەرلەرمەن سۇقباتتار؛ "فوكۋس" - وڭىردەگى ماڭىزدى ءىس-شارالاردان رەپورتاجدار بەرۋ (Focus).

Euronews — الەمدىك وقيعالاردىڭ بەينە حرونيكاسى مەن 17 تىلدەگى اۋديو تۇسىنىكتەمەلەردى بىرىكتىرەتىن تاۋلىك بويى الەمنىڭ 160 ەلىندە جۇمىس ىستەيتىن ەۋروپالىق جاڭالىقتار ارناسى. 

باس كەڭسەسى فرانسيانىڭ ليون قالاسىندا ورنالاسقان.