Bul is-shara Memleket basshysynyń «Ádiletti Qazaqstan: birlik, turaqtylyq, damý» Qazaqstan halqy Assambleiasynyń HHHII sessiiasynda, «Ádiletti Qazaqstan» Ulttyq Quryltaiynyń 2-shi otyrysynda sóilegen sózderi aiasynda uiymdastyrylǵanyn aita ketýimiz kerek.
Konferentsiiaǵa QR Prezidenti Qasym-Jomart Toqaevtyń Qazaqstan halqyna Joldaýynda aitylǵan negizgi aspektilerdi júzege asyrý máselelerin talqylaý úshin kelgen qoǵamdyq jáne memlekettik qyzmettiń ártúrli salalarynan qatysýshylar, sondai-aq halyqaralyq qonaqtar jinaldy.
Konferentsiianyń maqsaty – etnosaralyq qatynastardy nyǵaitýǵa, mediatsiiany, quqyqtyq belsendilikti damytýǵa jáne turaqty ekonomikalyq ósýdi yntalandyrýǵa negizdelgen úilesimdi qoǵam qurýǵa járdemdesý strategiialaryn qoldaý jáne talqylaý.
Is-shara osy maqsattarǵa qol jetkizýge kómektesetin jáne tutastai alǵanda eldiń turaqty progresine yqpal etetin jańa ideialar men seriktestikterdi qalyptastyrýǵa baǵyttalǵan.
Qazaqstan halqy Assambleiasy Tóraǵasynyń orynbasary, QR QHA Hatshylyǵynyń meńgerýshisi Marat Ázilhanov quttyqtaý sóz sóilep, oiyn ortaǵa saldy:
– Qazirgi qarqyndy ózgerip jatqan álemde elimizdegi turaqtylyq pen kelisim turaqtylyqtyń negizgi faktory bolyp tabylady. Sondyqtan qoǵamda etnosaralyq dialog pen ózara túsinistik qundylyqtaryn júieli túrde ilgeriletý erekshe mańyzdy. Bul azamattyq qoǵam institýttarynyń belsendi qatysýymen tikelei júzege asatyn mańyzdy jumys. Bul jumysty qazir Qazaqstan halqy Assambleiasy dáiekti túrde atqaryp keledi. Etnomádeni birlestikter patriotizm men azamattyq biregeilikti nyǵaitýǵa, qazaq tilin ultaralyq qatynas tili retinde damytýǵa baǵyttalǵan naqty jobalardy júzege asyrýda, – dep Marat Ázilhanov kókeide júrgen oiyn ortaǵa saldy.
Kelesi kezekte konferentsiiada AEK etnosaralyq qatynastardy damytý komitetiniń tóraǵasy Ǵalym Shoikin jáne AEK «Qoǵamdyq Kelisim» RMÝ direktory Elina Masagýtova sóz sóilep, is-sharanyń áleýmettik máselelerdi talqylaýdaǵy mańyzdylyǵyn atap ótti.
Konferentsiia ár taraptyń tájiribeleri men ozyq tájiribesimen almasý alańyna ainalǵanyna kýá boldyq. Qatysýshylar qoǵamdaǵy shielenisterdiń aldyn alý quraly retinde ulttyq birlik pen qoǵamdyq kelisim, ekonomikalyq belsendilik jáne mediatsiianyń mańyzdy máselelerdi jan-jaqty talqylap, oilaryn ortaǵa saldy.
