بۇل ءىس-شارا مەملەكەت باسشىسىنىڭ «ادىلەتتى قازاقستان: بىرلىك، تۇراقتىلىق، دامۋ» قازاقستان حالقى اسسامبلەياسىنىڭ ءحححىى سەسسياسىندا، «ادىلەتتى قازاقستان» ۇلتتىق قۇرىلتايىنىڭ 2ء-شى وتىرىسىندا سويلەگەن سوزدەرى اياسىندا ۇيىمداستىرىلعانىن ايتا كەتۋىمىز كەرەك.
كونفەرەنسياعا ق ر پرەزيدەنتى قاسىم-جومارت توقايەۆتىڭ قازاقستان حالقىنا جولداۋىندا ايتىلعان نەگىزگى اسپەكتىلەردى جۇزەگە اسىرۋ ماسەلەلەرىن تالقىلاۋ ءۇشىن كەلگەن قوعامدىق جانە مەملەكەتتىك قىزمەتتىڭ ءارتۇرلى سالالارىنان قاتىسۋشىلار، سونداي-اق حالىقارالىق قوناقتار جينالدى.
كونفەرەنسيانىڭ ماقساتى – ەتنوسارالىق قاتىناستاردى نىعايتۋعا، مەدياسيانى، قۇقىقتىق بەلسەندىلىكتى دامىتۋعا جانە تۇراقتى ەكونوميكالىق ءوسۋدى ىنتالاندىرۋعا نەگىزدەلگەن ۇيلەسىمدى قوعام قۇرۋعا جاردەمدەسۋ ستراتەگيالارىن قولداۋ جانە تالقىلاۋ.
ءىس-شارا وسى ماقساتتارعا قول جەتكىزۋگە كومەكتەسەتىن جانە تۇتاستاي العاندا ەلدىڭ تۇراقتى پروگرەسىنە ىقپال ەتەتىن جاڭا يدەيالار مەن سەرىكتەستىكتەردى قالىپتاستىرۋعا باعىتتالعان.
قازاقستان حالقى اسسامبلەياسى ءتوراعاسىنىڭ ورىنباسارى، ق ر قحا حاتشىلىعىنىڭ مەڭگەرۋشىسى مارات ءازىلحانوۆ قۇتتىقتاۋ ءسوز سويلەپ، ويىن ورتاعا سالدى:
– قازىرگى قارقىندى وزگەرىپ جاتقان الەمدە ەلىمىزدەگى تۇراقتىلىق پەن كەلىسىم تۇراقتىلىقتىڭ نەگىزگى فاكتورى بولىپ تابىلادى. سوندىقتان قوعامدا ەتنوسارالىق ديالوگ پەن ءوزارا تۇسىنىستىك قۇندىلىقتارىن جۇيەلى تۇردە ىلگەرىلەتۋ ەرەكشە ماڭىزدى. بۇل ازاماتتىق قوعام ينستيتۋتتارىنىڭ بەلسەندى قاتىسۋىمەن تىكەلەي جۇزەگە اساتىن ماڭىزدى جۇمىس. بۇل جۇمىستى ءقازىر قازاقستان حالقى اسسامبلەياسى دايەكتى تۇردە اتقارىپ كەلەدى. ەتنومادەني بىرلەستىكتەر پاتريوتيزم مەن ازاماتتىق بىرەگەيلىكتى نىعايتۋعا، قازاق ءتىلىن ۇلتارالىق قاتىناس ءتىلى رەتىندە دامىتۋعا باعىتتالعان ناقتى جوبالاردى جۇزەگە اسىرۋدا، – دەپ مارات ءازىلحانوۆ كوكەيدە جۇرگەن ويىن ورتاعا سالدى.
كەلەسى كەزەكتە كونفەرەنسيادا اەك ەتنوسارالىق قاتىناستاردى دامىتۋ كوميتەتىنىڭ ءتوراعاسى عالىم شويكين جانە اەك «قوعامدىق كەلىسىم» رمۋ ديرەكتورى ەلينا ماساگۋتوۆا ءسوز سويلەپ، ءىس-شارانىڭ الەۋمەتتىك ماسەلەلەردى تالقىلاۋداعى ماڭىزدىلىعىن اتاپ ءوتتى.
كونفەرەنسيا ءار تاراپتىڭ تاجىريبەلەرى مەن وزىق تاجىريبەسىمەن الماسۋ الاڭىنا اينالعانىنا كۋا بولدىق. قاتىسۋشىلار قوعامداعى شيەلەنىستەردىڭ الدىن الۋ قۇرالى رەتىندە ۇلتتىق بىرلىك پەن قوعامدىق كەلىسىم، ەكونوميكالىق بەلسەندىلىك جانە مەدياسيانىڭ ماڭىزدى ماسەلەلەردى جان-جاقتى تالقىلاپ، ويلارىن ورتاعا سالدى.
