Túrkistan oblysynda aýyl sharýashylyǵy qarqyndy damý ústinde. Memleket basshysynyń tapsyrmasyna sáıkes aımaqta júıeli jumystar atqarylýda. Aýyl sharýashylyǵy ónimderiniń eksporttyq áleýeti artyp keledi. QR Prezıdenti janyndaǵy ortalyq komýnıkasıalar qyzmetiniń baspasóz máslıhatynda Túrkistan oblysynyń ákimi Darhan Satybaldy osy saladaǵy jumystarǵa toqtaldy.

Oblysta mal basy jáne ónimdiligi ortasha eseppen 4%-ǵa ósýde. Et eksporty boıynsha Túrkistan oblysy respýblıkada birinshi orynda tur.

İri qara mal etiniń úlesi – 85%, usaq mal 60% quraıdy.

Bıylǵy 5 aıda 5 myń tonna iri qara mal eti, 3 myń tonnaǵa jýyq qoı eti eksportqa jóneltildi.

Memleket basshysynyń tapsyrmasyna sáıkes bıyl «Aýyl amanaty» jobasy iske asyrylýda. Respýblıkalyq búdjetten oblysqa 20 mlrd teńgege jýyq qarjy bólindi.

Pılottyq jobaǵa 64 aýyldyq okrýg belgilendi. Jobany iske asyrý nátıjesinde  3 413 jańa jumys orny ashylady, otbasylardyń ortasha tabysy tabysy 1,5 esege ósedi.

Ataýly áleýmettik kómek alýshylar sany 30%-ǵa azaıyp, qaıta óńdeý kásiporyndarynyń júktemesi 10%-ǵa ulǵaıady dep kútilýde.