Qazaqstan fýtbol quramasy ÝEFA Ulttar ligasynyń S divizionyndaǵy besinshi týrda Moldovaǵa 1:2 esebimen jeńildi. Kezdesý 13 qarashada Kishinev qalasyndaǵy «Zimbrý» stadionynda ótti, dep habarlaidy dalanews.kz.
Osylaisha, Djon van ’t Ship jattyqtyratyn komanda Moldovaǵa ekinshi ret qatarynan utylyp, V divizionyna kóterilý múmkindiginen aiyryldy.
Oiynnyń 39-minýtynda alań ieleriniń shabýylshysy Petrý Popeský esep ashty. Ekinshi taimnyń 51-minýtynda Islam Chesnokov tarazy basyn teńestirdi. Alaida 77-minýtta Popeský dýbl jasap, Moldovaǵa jeńis syilady.
Match aiaqtalǵannan keiin Qazaqstan quramasynyń shabýylshysy Maksim Samorodov tóreshimen sózge kelip, ekinshi sary qaǵazyn aldy. Nátijesinde ol alańnan qýyldy jáne Slovakiiaǵa qarsy sońǵy kezdesýge qatysa almaidy.
Týrdyń ekinshi matchynda Slovakiia Farer araldarymen 2:2 esebimen teń tústi.
Bes týrdan keiingi toptaǵy jaǵdai:
- Slovakiia – 11 upai;
- Moldova – 7 upai;
- Farer araldary – 5 upai;
- Qazaqstan – 2 upai.
Qazaqstan quramasy topta áli birde-bir ret jeńiske jetken joq. Eki ret teń túsip, úsh ret jeńilgen komanda endi ekinshi orynǵa kóterile almaidy. Sondyqtan V divizionyna ótý úshin ótpeli matchtarǵa qatysý múmkindiginen aiyryldy.
Qazaqstan quramasy toptyq kezeńdegi sońǵy kezdesýin 16 qarashada Astanada Slovakiiaǵa qarsy ótkizedi.
