Prezıdent elimizdegi kásipkerlikti damytýǵa qatysty tapsyram eki jyldan beri tıisti deńgeıde oryndalmaı kele jatqanyn ashyp aıtty.
– Bizder kásipkerlikti júıeli túrde qoldaýymyz kerek. Bul – jumysty bárin basynan bastap retteý kerek. Tapsyrma eki jyldan beri oryndalmaı keledi. Júzdegen, tipti myńdaǵan zańnamalyq qujat pen nusqaýlyqty qaıta-qaıta túzete bergennen eshteńe shyqpaıdy. Onyń ornyna yqsham ári túsinikti jańa erejelerdi bekitken jón. Mundaı tásildi 2024 jylǵy 1 qańtardan bastap tolyq engizý qajet, – dedi Prezızdent.
Budan basqa Memleket basshysy shaǵyn jáne orta bıznespen aınalysatyn azamattarǵa qaptaǵan tekserýshiler de kedergi keltirip otyrǵanyn tilge tıek etti.
– Qazir tekserýshiler tym kóp. Olardyń teris áreketi bizge belgili. Sondyqtan, shekaraǵa ıntegrasıalanǵan kedendik baqylaý tásilin engizý qajet. Kedendik rásimdeý ortalyqtary «bir tereze» qaǵıdaty boıynsha jumys isteýge tıis, – dedi Prezıdent.
