Президент еліміздегі кәсіпкерлікті дамытуға қатысты тапсырам екі жылдан бері тиісті деңгейде орындалмай келе жатқанын ашып айтты.
– Біздер кәсіпкерлікті жүйелі түрде қолдауымыз керек. Бұл – жұмысты бәрін басынан бастап реттеу керек. Тапсырма екі жылдан бері орындалмай келеді. Жүздеген, тіпті мыңдаған заңнамалық құжат пен нұсқаулықты қайта-қайта түзете бергеннен ештеңе шықпайды. Оның орнына ықшам әрі түсінікті жаңа ережелерді бекіткен жөн. Мұндай тәсілді 2024 жылғы 1 қаңтардан бастап толық енгізу қажет, – деді Презиздент.
Бұдан басқа Мемлекет басшысы шағын және орта бизнеспен айналысатын азаматтарға қаптаған тексерушілер де кедергі келтіріп отырғанын тілге тиек етті.
– Қазір тексерушілер тым көп. Олардың теріс әрекеті бізге белгілі. Сондықтан, шекараға интеграцияланған кедендік бақылау тәсілін енгізу қажет. Кедендік рәсімдеу орталықтары «бір терезе» қағидаты бойынша жұмыс істеуге тиіс, – деді Президент.
