Arna málimetinshe, qazir ol Ystambulda demalyp, Istiklál kóshesi men Taksim alańynda kóbirek qydyratyn bolǵan. Bosforǵa qarap, keshki ýaqytyn oilanýmen ótkizedi.
“"Jańa Qazaqstan" tarapynan ázirge Asqar Maminge suraq joq. Sondyqtan ol shetelge emin-erkin shyǵa alady. Al onymen kezinde qyzmettes bolǵan kóptegen sheneýikterge Qazaqstan aýmaǵyn tastaýǵa beiresmi tiym salynǵan. Iaǵni, shekaradan ótkizbeidi” - deidi Dala Inside.
Al Asqar Maminniń saiasattan shettetilip, onyń shetel asyp Túrkiiada júrgenin kórgen kei oqyrmandar tańdanystaryn jasyra almady. Sebebi buǵan deiin Qazaqstanda birqatar sheneýniktiń ústinen eshqandai qylmystyq is qozǵalyp, tergeý júrgizilmese de Antikor olarǵa shekara asyp, ózge memleketke shyǵýyn shektep qoiǵan edi.
Qarjy monitoringi agenttigimen birlesip jumys bastaǵan Antikor barlyq sheneýniktiń 2015 jyldan bergi is-áreketterin tekserýdi bastady. Osy tusta olar qylmystyq iske qatysy bar sheneýnikterdiń shetelge qashyp ketýine jol bermeýdiń amalyn qarastyryp jatyr. Sondyqtan mundai jaǵdaidan aldyn alý maqsatynda "Búrkit" shekara qyzmetiniń aqparat júiesinde ol adamdarǵa arnaiy belgi qoiylǵan.
Derekkóz málimetinshe, qazir osy tizimde Asqar Mamin, Baqytjan Saǵyntaev, Almasadam Satqaliev, Ǵabidolla Ábdirahymov, Aidar Áriphanov syndy belgili sheneýikter/top-menedjerler bar.
[video width="464" height="848" mp4="https://dalanews.kz/wp-content/uploads/2024/01/WhatsApp-sureti_-video-2024-01-18-10.11.00_ccb61a4e.mp4"][/video]
Eske salaiyq, Asqar Mamin premer-ministr bolyp 2021 jyldyń 15 qańtarynda taǵaiyndaldy. Al 2022 jyldyń 6 qańtarynda, iaǵni qańtar oqiǵasynan keiin Mamin bastaǵan Úkimet otstavkaǵa ketti. Prezident Toqaev úkimetti otstavkaǵa jiberý týraly Jarlyqqa qol qoiǵan bolatyn.
https://dalanews.kz/news/97483-sheteldikter-tek-tazalygyna-qyzyqqan
