ارنا مالىمەتىنشە، ءقازىر ول ىستامبۇلدا دەمالىپ، يستيكلال كوشەسى مەن تاكسيم الاڭىندا كوبىرەك قىدىراتىن بولعان. بوسفورعا قاراپ، كەشكى ۋاقىتىن ويلانۋمەن وتكىزەدى.
“"جاڭا قازاقستان" تاراپىنان ازىرگە اسقار مامينگە سۇراق جوق. سوندىقتان ول شەتەلگە ەمىن-ەركىن شىعا الادى. ال ونىمەن كەزىندە قىزمەتتەس بولعان كوپتەگەن شەنەۋىكتەرگە قازاقستان اۋماعىن تاستاۋعا بەيرەسمي تيىم سالىنعان. ياعني، شەكارادان وتكىزبەيدى” - دەيدى Dala Inside.
ال اسقار ءماميننىڭ ساياساتتان شەتتەتىلىپ، ونىڭ شەتەل اسىپ تۇركيادا جۇرگەنىن كورگەن كەي وقىرماندار تاڭدانىستارىن جاسىرا المادى. سەبەبى بۇعان دەيىن قازاقستاندا ءبىرقاتار شەنەۋنىكتىڭ ۇستىنەن ەشقانداي قىلمىستىق ءىس قوزعالىپ، تەرگەۋ جۇرگىزىلمەسە دە انتيكور ولارعا شەكارا اسىپ، وزگە مەملەكەتكە شىعۋىن شەكتەپ قويعان ەدى.
قارجى مونيتورينگى اگەنتتىگىمەن بىرلەسىپ جۇمىس باستاعان انتيكور بارلىق شەنەۋنىكتىڭ 2015 جىلدان بەرگى ىس-ارەكەتتەرىن تەكسەرۋدى باستادى. وسى تۇستا ولار قىلمىستىق ىسكە قاتىسى بار شەنەۋنىكتەردىڭ شەتەلگە قاشىپ كەتۋىنە جول بەرمەۋدىڭ امالىن قاراستىرىپ جاتىر. سوندىقتان مۇنداي جاعدايدان الدىن الۋ ماقساتىندا "بۇركىت" شەكارا قىزمەتىنىڭ اقپارات جۇيەسىندە ول ادامدارعا ارنايى بەلگى قويىلعان.
دەرەككوز مالىمەتىنشە، ءقازىر وسى تىزىمدە اسقار مامين، باقىتجان ساعىنتايەۆ، الماسادام ساتقالييەۆ، عابيدوللا ءابدىراحىموۆ، ايدار ءارىپحانوۆ سىندى بەلگىلى شەنەۋىكتەر/توپ-مەنەدجەرلەر بار.
[video width="464" height="848" mp4="https://dalanews.kz/wp-content/uploads/2024/01/WhatsApp-sureti_-video-2024-01-18-10.11.00_ccb61a4e.mp4"][/video]
ەسكە سالايىق، اسقار مامين پرەمەر-مينيستر بولىپ 2021 جىلدىڭ 15 قاڭتارىندا تاعايىندالدى. ال 2022 جىلدىڭ 6 قاڭتارىندا، ياعني قاڭتار وقيعاسىنان كەيىن مامين باستاعان ۇكىمەت وتستاۆكاعا كەتتى. پرەزيدەنت توقايەۆ ۇكىمەتتى وتستاۆكاعا جىبەرۋ تۋرالى جارلىققا قول قويعان بولاتىن.
https://dalanews.kz/news/97483-sheteldikter-tek-tazalygyna-qyzyqqan
