Qazirgi tańda eks-sheneýnik Ǵabidolla Ábdirahymov depressiiadan shyqqan. Alaida Shymkenttiń burynǵy ákimin Jańa Qazaqstanda eshqandai laýazymdy qyzmetke taǵaiyndamaý týraly beiresmi nusqaý áli kúnge deiin kúshin joimaǵan, dep habarlaidy Dalanews.kz.
Bizdiń deregimizshe, eks-shendiniń túiindemesi biraz kabinetterge kirgizilip, ruqsat almai keri qaitqan.
Memlekettik qyzmettegi mansaby kúrt úzilgendikten jáne Londonda súiiktisimen airylysqan ýaqytta Ǵabidolla Rahmatollauly tereń depressiiaǵa shaldyqqan bolatyn. Sol kezde feisbýk kommentariilerinde jeli qoldanýshylarymen ursysyp, olardy sypyrtyp boqtap tastady da, artynsha akkaýntyn óshirip, múlde feisbýktan ketip qaldy. Qazir tek instagramdy ǵana qoldanady.
Derekkózdiń aitýynsha Ǵabidollany óndiris pen distribýtsiia, záitýn maiyn satý depressiiadan shyǵardy. Búginderi ol Ispaniiada óndiriletin "Aldonza" záitýn maiy men qoi irimshigin Ortalyq Aziia men Qazaqstanǵa tasýmen ainalysady. Biraq baiaǵydaǵydai aǵyl-tógil tabys joq. Sondyqtan Ábdirahymov "ekonom" rejimge kóshti.
Al onyń senimdi serigi Danat Jýmin Qazaqstannan qyzmet tappaǵandyqtan Eýropany aralai bastaǵan. Jýmin Ǵabidolla Ábdirahymovpen 2017-2018 jyldary Shymkentte, al onyń aldynda Nur-Otan partiiasynda qyzmet etken bolatyn. Ǵabidollanyń qoǵamdyq kelbetin, syrtqy imidjin Danat Jýmin arnaiy strategiia jasap, tolyqtai qalyptystyryp berdi. Oǵan shamamen 40-50 million teńgedei qarjy jumsaldy deidi, jaǵdaimen tanys derekkóz.
