Alik Shpekbaev Singapýrdaǵy toida kózge tústi, dep habarlaidy Dalanews.kz.
Belgili PR maman, bloger Álisher Elikbaev Tiktok paraqshasynda qazaqstandyqtardyń Singapýrdaǵy úilený toiynan vlog túsirgen. Kadrlardyń birinen Alik Shpekbaev júrgenin baiqaýǵa bolady.
Aita keteiik, Qańtar oqiǵasyna deiin Qazaqstannyń sybailas jemqorlyqqa qarsy kúres júiesinde mańyzdy ról atqarǵan Alik Shpekbaev uzaq ýaqyt boiy saiasattan alystap, kópshiliktiń nazarynan tys qalǵan edi. Alaida, byltyr naýryzda ol qaita oralyp, Antikorrýptsiialyq ulttyq jeliniń prezidiým tóraǵasy qyzmetine kiristi.
Jańa uiym nemen ainalysady?
Bul jelini Qazaqstandaǵy birqatar qoǵam qairatkerleri men úkimettik emes uiymdar qurdy. Qurylymnyń basty maqsaty – memlekettik jáne kvazimemlekettik organdardyń ashyqtyǵyn qamtamasyz etý, biznes múddesin qorǵaý, zań jobalaryna sybailas jemqorlyqqa qarsy saraptama jasaý, biýdjettik baǵdarlamalardyń qoǵamdyq monitoringin júrgizý.
Jańa zań aiasynda qurylǵan uiym
Qoǵam belsendileri Antikorrýptsiialyq ulttyq jeliniń qurylýy qoǵamdyq baqylaý týraly jańa zańnyń kúshine enýimen tikelei bailanysty ekenin atap ótti. Bul zań azamattarǵa memlekettik saiasatqa belsendi aralasýǵa múmkindik beredi.
