اليك شپەكبايەۆ سينگاپۋرداعى تويدا كوزگە ءتۇستى، دەپ حابارلايدى Dalanews.kz.
بەلگىلى PR مامان، بلوگەر الىشەر ەلىكبايەۆ تيكتوك پاراقشاسىندا قازاقستاندىقتاردىڭ سينگاپۋرداعى ۇيلەنۋ تويىنان ۆلوگ تۇسىرگەن. كادرلاردىڭ بىرىنەن اليك شپەكبايەۆ جۇرگەنىن بايقاۋعا بولادى.
ايتا كەتەيىك، قاڭتار وقيعاسىنا دەيىن قازاقستاننىڭ سىبايلاس جەمقورلىققا قارسى كۇرەس جۇيەسىندە ماڭىزدى ءرول اتقارعان اليك شپەكبايەۆ ۇزاق ۋاقىت بويى ساياساتتان الىستاپ، كوپشىلىكتىڭ نازارىنان تىس قالعان ەدى. الايدا، بىلتىر ناۋرىزدا ول قايتا ورالىپ، انتيكوررۋپسيالىق ۇلتتىق جەلىنىڭ پرەزيديۋم ءتوراعاسى قىزمەتىنە كىرىستى.
جاڭا ۇيىم نەمەن اينالىسادى؟
بۇل جەلىنى قازاقستانداعى ءبىرقاتار قوعام قايراتكەرلەرى مەن ۇكىمەتتىك ەمەس ۇيىمدار قۇردى. قۇرىلىمنىڭ باستى ماقساتى – مەملەكەتتىك جانە كۆازيمەملەكەتتىك ورگانداردىڭ اشىقتىعىن قامتاماسىز ەتۋ، بيزنەس مۇددەسىن قورعاۋ، زاڭ جوبالارىنا سىبايلاس جەمقورلىققا قارسى ساراپتاما جاساۋ، بيۋدجەتتىك باعدارلامالاردىڭ قوعامدىق مونيتورينگىن جۇرگىزۋ.
جاڭا زاڭ اياسىندا قۇرىلعان ۇيىم
قوعام بەلسەندىلەرى انتيكوررۋپسيالىق ۇلتتىق جەلىنىڭ قۇرىلۋى قوعامدىق باقىلاۋ تۋرالى جاڭا زاڭنىڭ كۇشىنە ەنۋىمەن تىكەلەي بايلانىستى ەكەنىن اتاپ ءوتتى. بۇل زاڭ ازاماتتارعا مەملەكەتتىك ساياساتقا بەلسەندى ارالاسۋعا مۇمكىندىك بەرەدى.
