Prezıdentke eldegi sybaılas jemqorlyqqa qarsy qabyldanyp jatqan sharalar jóninde esep berildi.
Oljas Bektenovtiń aıtýynsha, bıyl 11 aıda memleketke quny 600 mlrd teńgeden astam zańsyz ıelengen múlik aktıvteri men qarajat qaıtaryldy.
Budan bólek, elimizde jáne shetelde jalpy somasy 360 mlrd teńgeden asatyn jyljymaıtyn múlik, avtomobılder men qarajat anyqtaldy jáne olar jaqyn arada memleketke qaıtarylady.
Memleket basshysynyń tapsyrmasymen Sybaılas jemqorlyqqa qarsy is-qımyl agenttigi tergep-teksergen qylmystyq isterden tárkilengen qarjy qazirdiń ózinde mektep qurylysyna jumsalyp jatyr. «Aqtóbe» ÁKK-ge qatysty qylmystyq is aıasynda kináli tulǵalar 197 mln teńge shyǵyndy ótedi.
Qarajattyń negizgi bóligi aýyl mektebiniń qurylysyn aıaqtaýǵa jumsaldy.
Prezıdentke sondaı-aq sybaılas jemqorlyqqa qatysty qylmystardy boldyrmaýǵa baǵyttalǵan aldyn alý sharalary týraly aqparat berildi.
Oljas Bektenov kóliktik baqylaý, jer qoınaýyn paıdalaný, memlekettik qorǵanys tapsyrysy salalaryna, kóshi-qon qyzmetiniń, áleýmettik-kásipkerlik korporasıalardyń jáne «Qazaqstan temir joly» AQ jumysyna syrtqy taldaý aıaqtalǵanyn jetkizdi.
Onyń qorytyndysy boıynsha sybaılas jemqorlyq táýekelderin joıýǵa baǵyttalǵan 2 myńnan astam usynys ázirlendi.
Memleket basshysy elimizde sybaılas jemqorlyq deńgeıin tómendetý jónindegi jumystardy jalǵastyrýdy tapsyrdy.
https://dalanews.kz/aimak/84544-qazaqstan-yenergetika-dagdarysynan-q
