Eski mektep qaita jańarady
Mektep direktory Gúlmira Sadyrbaevanyń aitýynsha, ǵimarat 1974 jyly salynǵan. 1998 jyly mektep terezesi, 2004 jyly mektep jabyndysy aýystyrylǵan. Sodan beri bilim mekemesine birde-bir kúrdeli jóndeý jumystary júrgizilmepti.
Qazir tozyǵy jetken mekteptiń demontaj jumystary aiaqtalyp, irgetasynyń, qabyrǵalarynyń seismikalyq kúsheitý jumystary júrgizilýde. Jalpy, mekteptiń kúrdeli jóndeýine 502 million teńge bólingen.
Merdiger kompaniianyń aitýynsha jobalyq-smetalyq qujattamaǵa sáikes jylytý jáne jeldetý, sý jáne káriz júielerin, ishki elektr jáne órtke qarsy dabyl júielerin, balalardyń qaýipsizdigi úshin beinebaqylaý ornatý qarastyrylǵan.
Merdiger «Jibek Joly qurylys servis» kompaniiasy mekteptegi kúrdeli jóndeý jumystaryn aǵymdaǵy jyldyń 20-tamyzyna deiin aiaqtaýdy ýáde etip otyr. Qurylys jumystarynyń barysymen tanysyp shyqqan aýdan ákimi kompaniia ókilderine joǵary sapaly qurylys jumystaryn qamtamasyz etýdi, birqatar kemshilikterdi joiýǵa tapsyrma berdi.
Sondai-aq aýdan basshysy Alǵabas aýyldyq okrýginiń Qyzyltoǵan aýylynda 25 oryndy shaǵyn ortalyǵy men 120 oqýshyǵa arnalǵan orta mekteptiń qurylysymen tanysty. Mektep qurylysyna oblystyq biýdjetten 717 000 million teńge qarjy bólingen. Qurylys jumystaryn «SP NEFT» JShS júrgizýde.
Aita ketý kerek, qurylys jumystaryna birinshi kezekte aýyldaǵy jumyssyz azamattar jumysqa tartylýda.
Aýdan ákiminiń sózine súiensek, aldaǵy ýaqytta halyqtyń ál-aýqatyn jaqsartatyn osyndai áleýemettik mańyzy bar jobalar jalǵasyn tappaq.
Baljan Qairatqyzy
