مەكتەپ ديرەكتورى گۇلميرا سادىربايەۆانىڭ ايتۋىنشا، عيمارات 1974 جىلى سالىنعان. 1998 جىلى مەكتەپ تەرەزەسى، 2004 جىلى مەكتەپ جابىندىسى اۋىستىرىلعان. سودان بەرى ءبىلىم مەكەمەسىنە بىردە-بىر كۇردەلى جوندەۋ جۇمىستارى جۇرگىزىلمەپتى.
ءقازىر توزىعى جەتكەن مەكتەپتىڭ دەمونتاج جۇمىستارى اياقتالىپ، ىرگەتاسىنىڭ، قابىرعالارىنىڭ سەيسميكالىق كۇشەيتۋ جۇمىستارى جۇرگىزىلۋدە. جالپى، مەكتەپتىڭ كۇردەلى جوندەۋىنە 502 ميلليون تەڭگە بولىنگەن.
مەردىگەر كومپانيانىڭ ايتۋىنشا جوبالىق-سمەتالىق قۇجاتتاماعا سايكەس جىلىتۋ جانە جەلدەتۋ، سۋ جانە كارىز جۇيەلەرىن، ىشكى ەلەكتر جانە ورتكە قارسى دابىل جۇيەلەرىن، بالالاردىڭ قاۋىپسىزدىگى ءۇشىن بەينەباقىلاۋ ورناتۋ قاراستىرىلعان.
مەردىگەر «جىبەك جولى قۇرىلىس سەرۆيس» كومپانياسى مەكتەپتەگى كۇردەلى جوندەۋ جۇمىستارىن اعىمداعى جىلدىڭ 20-تامىزىنا دەيىن اياقتاۋدى ۋادە ەتىپ وتىر. قۇرىلىس جۇمىستارىنىڭ بارىسىمەن تانىسىپ شىققان اۋدان اكىمى كومپانيا وكىلدەرىنە جوعارى ساپالى قۇرىلىس جۇمىستارىن قامتاماسىز ەتۋدى، ءبىرقاتار كەمشىلىكتەردى جويۋعا تاپسىرما بەردى.
سونداي-اق اۋدان باسشىسى العاباس اۋىلدىق وكرۋگىنىڭ قىزىلتوعان اۋىلىندا 25 ورىندى شاعىن ورتالىعى مەن 120 وقۋشىعا ارنالعان ورتا مەكتەپتىڭ قۇرىلىسىمەن تانىستى. مەكتەپ قۇرىلىسىنا وبلىستىق بيۋدجەتتەن 717 000 ميلليون تەڭگە قارجى بولىنگەن. قۇرىلىس جۇمىستارىن «سپ NEFT» ج ش س جۇرگىزۋدە.
ايتا كەتۋ كەرەك، قۇرىلىس جۇمىستارىنا ءبىرىنشى كەزەكتە اۋىلداعى جۇمىسسىز ازاماتتار جۇمىسقا تارتىلۋدا.
اۋدان اكىمىنىڭ سوزىنە سۇيەنسەك، الداعى ۋاقىتتا حالىقتىڭ ءال-اۋقاتىن جاقسارتاتىن وسىنداي الەۋەمەتتىك ماڭىزى بار جوبالار جالعاسىن تاپپاق.
بالجان قايرات قىزى
