Oblys ákimi Ómirzaq Shókeev QR Prezidentiniń Joldaýynda aiqyndalǵan baǵyttar elimizdiń ekonomikalyq ósimin jedeldetip, halyqtyń ál-aýqatyn jaqsartýda mańyzdy ról atqaratynyna toqtaldy.
Óńir basshysynan keiin sóz alǵan «Nur Otan» partiiasy Túrkistan oblystyq filialy tóraǵasynyń birinshi orynbasary Beisen Tájibaev jergilikti atqarýshy organdardaǵy partiia múshelerine máseleni jasyrǵannan góri jedel sheshken tiimdi ekenin aitty.
Atap óteiik, Túrkistan oblysy boiynsha Prezidenttiń Joldaýda aitqan halyqtyń ótinish-tilekterin tiimdi qarastyratyn tujyrymdamany iske asyrý eki baǵytta júrgizilmek. Eń aldymen, partiia filialynyń Qoǵamdyq qabyldaý keńsesi Túrkistan qalasyndaǵy halyq eń jii shoǵyrlanǵan Almaty arbatyndaǵy ǵimaratta «Open space» formatyna kóshse, ekinshiden barlyq laýazym ieleriniń qabyldaýlaryn áleýmettik jelilerde tikelei efir arqyly júrgizý qolǵa alynbaq.
Sonymen qatar, aktiv jinalysynda partiia filialy Joldaýdy halyqqa tiimdi etip nasihattaý úshin eski formattaǵy kóptegen jinalystardy toqtatyp, eldegi sheshimin tappaǵan máselelerge jaýapty ókilderdi alyp, eldiń ortasyna shyǵýdy usyndy. Atap aitqanda, kásiporyn aýlasynda, bazarlarda, alańdarda, saiabaqtarda, egistik alqaptarynda, fermalarda ashyq aspan aiasynda galstýksyz kezdesýler ótkizý qajet. Al turǵyndar sala mamandaryna tikelei saýal qoiyp, jaýabyn alý kerek.
Jalpy, jyl basynan beri «Nur Otan» partiiasy Túrkistan oblystyq filialynyń Qoǵamdyq qabyldaý bólmesine 5204 aryz-shaǵym túsken. Onyń 2747-si ońtaily sheshilip, 2289 ótinishke zań aiasynda keńester berilgen. 168 ótinish búginde qaralý ústinde.
Halyqtan túsken 5204 aryz-shaǵymdy taldai kele, oblys turǵyndaryn tómendegidei máselelerdiń 2148 – áleýmettik kómekke muqtajdyq boiynsha; 1629– turǵyn úige jáne jerge muqtajdyq boiynsha; 454– jumysqa ornalasý, zańsyz jumystan shyǵarý, eńbek aqy óndirý máselesi. Shaǵymdardy aimaqtarǵa bólgende Keles, Ordabasy, Jetisai aýdandary kósh bastap tur.
