"Qala men Dala" gazeti men Dalanews.kz aqparattyq agenttiginiń bas redaktory, belgili jýrnalist Dýman Byqai jańadan sailanǵan Májilis depýtattaryna qatysty “Adyrna” ulttyq portalyna oilaryn ortaǵa saldy. Jýrnalistiń aitýynsha, eski Qazaqstannan qalǵan ádister men algoritmderdiń eshbiri qazir qoldanysqa jaramaidy.
– Jańa Qazaqstan – jańa Májilis. Álbette jurt bul Májilisten úlken úmit kútedi. Osy Májiliske ótken táýelsiz kandidattar buǵaýǵa baǵynbai, óziniń pozitsiiasynda turyp, sońynda bilik tarapynyń sózin sóileidi dep senedi.
Ol da zańdylyq, ony da qabyldaý qajet. Sebebi, eski Qazaqstannan qalǵan eskirgen ádister, algoritmniń eshbiri qazirgi tańda qoldanysqa jaramaidy. Olardyń barlyǵyn laqtyrý kerek.
Májilistiń qazirgi jumysyna taldaý jasaityndai ýaqytqa jettik dep oilaimyn. Sebebi, bul jańa quramnyń jumysqa kiriskeni de keshe ǵana. Áli de bolsa ýaqyt, merzim kerek.
Sol merziminiń ishinde Májilistiń kásibiligin, biliktiligin baǵalaimyz. Biraq qazirgi betalysynyń ózinen baiqar bolsańyz burynǵy Májilistiń kezińdegidei salǵyrttyq, beiqamdyq, qalǵyp-shulǵyp otyratyn, tilin shainap otyratyndar kelmeske ketkenin kóremiz, – dedi Dýman Byqai.
