Aitýly sharany «Astana jastary» Jastar resýrstyq ortalyǵy uiymdastyrdy.
Is-sharanyń maqsaty – dispanserlik esepte turǵan esirtkige táýeldi adamdardyń, onyń ishinde 14 jastan 35 jasqa deiingi jastardyń sanyn azaitý úshin aldyn alý sharalary.
Qalalyq politsiia departamenti esirtki qylmysyna qarsy is-qimyl basqarmasynyń, Jastar saiasaty máseleleri basqarmasynyń ókilderi, Saryarqa aýdany ákimi apparatynyń jáne aýdandyq prokýratýranyń qyzmetkerleri «Nirvana» túngi klýbynda, «Stambýl»» jáne «Jarkyl» kafelerinde nashaqorlyqtyń aldyn alý boiynsha túsindirý jumysyn júrgizdi.
NEET «Astana jastary «Jastar resýrstyq ortalyǵy» sanatyndaǵy jastarmen jumys bóliminiń basshysy Álfarabi Nurkenuly aktsiia «ESIRTKIGE JOL JOQ» jobasy aiasynda ótip jatqanyn jáne jastar arasynda nashaqorlyqtyń aldyn alýǵa baǵyttalǵanyn atap ótti.
– Mundai aktsiialar únemi ótkizilip turady. Biyldyń ózinde biz 15-ke jýyq is-shara uiymdastyrdyq. Munda qabyrǵalardy boiaý boiynsha aktsiialar ótkizildi, ýniversitetter, mektepter men kolledjder bazasynda túsindirý jumysy júrgizildi. 20-dan astam trening bilim berý mekemelerinde kásibi psihologtardyń, sondai-aq qalalyq politsiia departamenti esirtki qylmysyna qarsy is-qimyl basqarmasynyń qyzmetkerleriniń qatysýymen uiymdastyryldy.
Kelesi jyly barlyq atqarýshy organdar men úkimettik emes uiymdar tartylatyn jumys tobyn qurý josparlanyp otyr. Onyń qyzmeti aiasynda naqty jumys kózdeledi, nátijesinde keminde 300 myń jas qamtylady, – dedi ol.
