Áńgimeni basynan bastaiyn. Ótken aidyń sońynda Almaty oblysy Eńbekshiqazaq aýdany Shelek aýylynyń ortalyq emhanasynda bosandym. Basynda bári jaqsy edi. Endi perzenthanadan shyǵarady degen kezde ÝZI-ge túsirip, bosanǵan kezde qan tolyq tazarmaǵany belgili boldy. Qaitadan tazalaimyz dedi. Biraq ol joly da tolyq tazarmai, qannyń taǵy da uiyǵany belgili boldy. Bul joly qan kóp ketip, men álsirep qaldym. Emhanadaǵylar tik turyp, túnimen maǵan qan quiyp, sistema salyp, tazalaǵanymen, báribir durys bolmaǵanyn eki kún ótken soń bilgende, nesin jasyraiyn, barlyq emhana qyzmetkerlerinen kóńilim qaldy jáne tolyq saýyǵýym múmkin emes shyǵar degen oiǵa keldim. Iia, ol emhana basshylary da baryn saldy. Ýkol, dári-dármekti aiaǵan joq. Úshinshi ret tazalaý kezinde janymnyń áreń qalǵanyn aityp, kóp qan quiǵandaryn da jasyrmady. Áýeli bosanǵan soń durys emdeýge kóńil bólmegenderi, ekinshi joly tazalaǵanda taǵy da sol salǵyrttyqa boi aldyrǵandaryn moiyndady. Bul kezde bári de kesh edi. Emhana basshylary aqyldasa kele Esik perzenthanasyna jóneltetin bop sheshti. Ol jerge barǵanda da senimim az edi. Taǵy tazalasa, qan taǵy da toqtamasa ne isteimin degen úrei boldy.
MamirOilaǵanymdai, perzenthananyń bas dárigeri Gúlnar Mamyrbaeva hanym qaita tazalaimyz, eger jaqsy bolmasa jatyryńdy alyp tastaýǵa týra keledi degende, bárinen túńildim. Tipti ómirim qalai bolar eken dep te alańdadym. Biraq bári kerisinshe boldy. Esiktegi operatsiia sátti ótti ári odan keiingi emdeý isin tyńǵylyqty júrgizdi. Jarty saǵat saiyn qasyma kelip, tekserip, halimdi surap júrgen meiirbikeler, álsin áli tekserip, qadaǵalaýdy umytpaǵan Faina Turanqyzy, jeke óz baqylaýynda ustap, bastan-aiaq dárigerlermen birge quraq ushyp júrgen Gúlnar Saǵymbaiqyzy, bári de men úshin izgi nietpen qyzmet kórsetti. Men úshin ǵana emes, taýdyń baýraiynda ornalasqan, jańadan boi kótergen osynaý eńseli ǵimarat dárigerlerdiń jyly meiirimimen nurlanyp turǵandai sezildi. Bas dáriger Gúlnar Mamyrbaeva barlyq jurtshylyqqa ózi kirip, ózi tekserip, em-domyn jeke ózi qadaǵalap júredi eken. Ózge emhanalarda bas dáriger kelmek túgil, jaǵdaiyńdy aityp barsań kire almaityn kezder kóp kezigetinin nesin jasyraiyq. Ár emhanada Gúlnar hanym sekildi elgezek basshylar bolsa, kóp ketigimiz bútindelip, halyqtyń densaýlyǵy jaqsarar edi-aý...
