Kórmeniń ashylý saltanatynda «Esik» mýzei-qoryǵynyń direktory Gúlmira Muhtarova sóz sóilep, erekshe tarihi kórme usynǵan áriptesterine alǵysyn bildirip, elimizdiń tarihi-mádeni muralaryn dáripteýde bul kórmeniń mańyzy erekshe ekenin atap ótti.
Qonaqtar delegatsiiasyn bastap kelgen «Otyrar» memlekettik arheologiialyq mýzei-qoryǵynyń direktory Jangeldi Mahashov eki mýzei arasyndaǵy áriptestik bailanystardyń nyǵaiyp kele jatqanyna toqtaldy.
Jangeldi Meńlibaiuly kieli Otyrar óńiriniń tarihi-mádeni muralarynyń keńinen nasihattalýyna mán berip, mýzeitaný, arheologiia salasyndaǵy nátijeli jumystar júieli jalǵasatynyn aitty.
– Kóne Otyrardy zertteý, ǵylymi saralaý – sonaý ortaǵasyrlyq saiahatshylar men tarihshylardan beri jalǵasyp keledi. Búginde Otyrar álemdik eskertkish bolyp IýNESKO tarapynan moiyndaldy. Qazir Otyrar óńirin ǵylymi zertteý jumystary Á.Marǵulan atyndaǵy Arheologiia institýty men «Otyrar» memlekettik arheologiialyq mýzei-qoryǵy júrgizip jatqan qazba jumystarymen jalǵasyp keledi, – dedi Jangeldi Mahashov.
Kórmeniń saltanatty ashylýynda «Esik» mýzei-qoryǵymen belsendi áriptestik ornatqan «Otyrar» mýzei-qoryǵynyń qyzmetkerleri, mektep muǵalimderin arnaiy marapattaldy.
Kórme – «Uly Jibek joly jáne Otyrar H-HI ǵǵ», «Otyrar Qarahan dáýirinde», «HIV- HV ǵǵ. Temir dáýirindegi Otyrar», «HVI-HVIII ǵǵ. Otyrar Qazaq handyǵy tusynda», «Otyrardaǵy jazba mádenietiniń paida bolýy» taqyryptaryn qamtyǵan.
Kórmede «Otyrar» mýzei-qoryǵy qory jinaǵyndaǵy arheologiialyq jádigerler – keramikalyq buiymdar, nýmizmatikalyq materialdar, shynydan jasalǵan zattar, sirek kezdesetin jádigerler, eskertkishterge qatysty aerofotolar men kartalar usynyldy.
«Otyrar» kórmesi «Esik» memlekettik tarihi-mádeni mýzei-qoryǵynda biylǵy jyldyń sońyna deiin ashyq bolady.
