Esik ashpasańyzdar, úige kirýdiń basqa amalyn tabam...
Úkimetbasynyń aitýynsha, erterek qamdanǵan jaǵdaida qazirgidei dúrbeleń týmas edi. Saǵyntaev sonymen qatar tirkeýge qatysty suraqtardyń tym kóp ekenin jáne túsindirý jumystarynyń durys júrgizilmegenin aitty.
Ishki ister ministriginiń dereginshe, 7-9 qańtardyń aralyǵynda 40 myń azamat tirkelgen. Demek, halyqqa qyzmet kórsetý ortalyqtary ainalasy eki kúnniń ishinde osynsha adamdy qabyldaýǵa májbúr bolǵan.
Úkimet otyrysy aiaqtalǵannan keiin Ishki ister ministri jýrnalisterdiń suraǵyna jaýap berdi. Sózine qaraǵanda, ýaqytsha tirkeýdiń joqtyǵynan azamattarǵa aiyppul salynǵan jaǵdai áli tirkelmegen.
Osy tirkeýge qatysty «úige ýchaskilik politseiler kelse esik ashpai qoiýǵa quqym bar ma?» degen jýrnalistiń saýalyna Qasymov: «Jaraidy, ashpai-aq qoiyńdar. Biraq biz basqa amalyn tabamyz» dep jaýap berdi.
Jelidegi jurt óz kezeginde "esikten kire almaǵan Qasymov terezeden kirse tańǵalmaimyz" dep jatyr.
