Memleket basshysynyń bastamasymen Abaı oblysy Jańasemeı aýdany Shúlbi kentinde ótip jatqan «Taza Qazaqstan» respýblıkalyq aksıasynyń «Móldir bulaq» aptalyǵy «Ertis – dostyq ózeni» aksıasynan bastaldy. Aýdan basshylyǵy, kent turǵyndary, úkimettik emes uıymdar, ulttyq ortalyqtar, jastar, mektep túlekteri, mekeme qyzmetkerleri jáne zıaly qaýymnyń qatysýymen kent kósheleri men Ertis ózeniniń jaǵasynda senbilik ótti, dep habarlaıdy Dalanews.kz. 

Shúlbi kenti aqsaqaldar keńesiniń múshesi Beısen Lepsibaev jınalǵandarǵa alǵysyn bildirip, bastama bir rettik aksıa bolmaýy tıis ekenin aıtty.

-«Taza Qazaqstan» aksıasyn ótkizýdegi maqsat – tabıǵatqa uqypty qaraýdy qalyptastyrý, eldi mekenderdi abattandyrýdy, kógaldandyrýdy turaqty júrgizý. Bul – bizdiń ulttyq qundylyqtarymyzdyń beınesi. Halqymyzdyń bir shańyraq astyndaǵy dostyǵy men ózara túsinistigi jalǵasyp, elimizdegi beıbitshilik árqashan berik bolsyn, árqashan birlik bolsyn, -dedi eńbek ardageri.

Bul kúni aksıaǵa qatysýshylar 200-den astam aǵash kóshetterin otyrǵyzyp, ortalyq kósheler men Ertis ózeniniń jaǵalaýyna ekologıalyq tazalaý júrgizdi. Aksıaǵa 300-den astam adam qatysty. Arnaıy tehnıkanyń kómegimen 5 tonnaǵa jýyq qoqys shyǵaryldy.

-«Móldir bulaq» aptalyǵy bizdiń aýdanda ótýde. Osy apta – «Taza Qazaqstan» aksıasynyń bir bóligi jáne biz de oǵan qatysýǵa sheshim qabyldadyq. Kósheler men aýmaqtardy tazalaýda ǵana emes, qarttarǵa da kómektesip, jastarǵa úlgi kórsetemiz, - dedi Jastar keńesiniń múshesi Aınur Satybaldınova.

Memleket basshysy usynǵan bastamany Jańasemeı aýdanynyń jastary Borodýlıha aýdanynyń jastaryna joldap, tabıǵatqa uqypty qaraýǵa shaqyrdy.

Oblysta barlyǵy 1 068 sý aǵyndary men ózender, 55 kól, sondaı-aq 95 gıdrotehnıkalyq qurylystar bar.