Májilis depýtaty Ermurat Bapi Qazaqstanda AES boiynsha referendým qarsańynda belsendilerdiń ustalýyna qatysty quqyq qorǵaý organdarynan jaýap kútip otyrǵanyn málimdedi, dep habarlaidy Dalanews.kz.
“QR Bas prokýratýrasy, QR Ishki ister ministrligi Májilis depýtattary men qoǵamnyń suraqtaryna jaýap berýi kerek: Referendým qarsańyndaǵy bul ne dabyra?
Eldiń saiasi biligi sizderdiń mynaý áreketterińizden habardar ma? Álde bul prezident Toqaevtyń saiasatyna qastyq jasaýshy áldebir sholaq belsendilerdiń ózimbilemdiginen týǵan áperbaqandyq pa?
Joq álde, rasynda da, 6 qazan qarsańynda elde ákimshilik turǵydaǵy zańbuzýshylyq jiilep ketti me? Shuǵyl túrde jaýap kútemiz!”, - dep jazdy Bapi óziniń áleýmettik jelidegi paraqshasynda.
Buǵan deiin belsendilerdiń ustalǵany týraly qoǵam belsendileri habarlaǵan bolatyn.
“Almatyda 12 adam ustaldy: altaýyn bosatty, al alty adam eki aiǵa qamaýǵa alynýy múmkin... Alda áli bir apta bar... Bilik nege osynshalyqty alańdaýshylyq týdyryp otyr, túsinbeimin?” - dep jazdy quqyq qorǵaýshy Baqytjan Tóreǵojina óziniń áleýmettik jelidegi paraqshasynda.
Ol 29 qyrkúiek kúni Almatyda qylmystyq is aiasynda ustalǵandardyń tizimin jariialady:
1. Mubarakov Aidar – ustalǵan;
2. Temirǵaliev Nurlan – ustalǵan;
3. Sydykov Fazyljan – ustalǵan;
4. Qazaqbai Janat – ustalǵan;
5. Jeksembieva Nurgúl – qolhatpen bosatylǵan;
6. Shatemirqyzy Aqmaral – qolhatpen bosatylǵan;
7. Galina Aqquzova – qolhatpen bosatylǵan;
8. Maqsutov Jeńis – qolhatpen bosatylǵan;
9. Toqmanbet Raqysh – qolhatpen bosatylǵan;
10. Azat Tóleýhan – qolhatpen bosatylǵan;
11. Jaýanbaev Nurlan – quqyq qorǵaýshylar málimetterdi anyqtaýda;
12. Erbolat Áýbákirov – quqyq qorǵaýshylar málimetterdi anyqtaýda;
13. Jaslan Kópeev – ákimshilik is;
14. Talǵat Igisinov – 15 táýlikke qamaý;
15. Janseiitov Baqytjan – ÁQBtK 488-baby 6-tarmaǵy boiynsha is;
16. Marat Mýsabaev – 20 táýlikke qamaý.
Esterińizge sala ketsek, buǵan deiin qazaqstandyq ǵalym jáne memleket qairatkeri, burynǵy kólik jáne kommýnikatsiialar ministri Serik Búrkitbaev Qazaqstandaǵy AES qurylysyn “energiia tapshylyǵymen” túsindiretin sheneýnikterdiń málimdemelerine kúmán keltirgen bolatyn. Sondai-aq KazTAG agenttigi burynǵy KEGOC basshysy Áset Naýryzbaevtyń jańartylatyn energiia kózderinen arzan ári qaýipsiz energiia kózi joq ekenin aitqanyn habarlady. Sonymen qatar, álemdegi eń tanymal jasandy intellektterdiń biri – ChatGPT – Qazaqstanda AES salý qazir óte qaýipti qadam bolatynyn málimdegen. Osydan keiin AES-ke qarsy belsendiler óz pikirlesterin referendýmǵa barýǵa shaqyrdy. Qazaqstandaǵy áleýmettik jelilerde AES týraly jaǵymsyz pikirler qarqyny qoldaityn pikirlerden bes ese kóp bolǵany anyqtaldy.
