Bul durys. «Jaý – joq deme, jar astynda» dep ata-babalarymyz beker aitpaǵan. Sondyqtan mundai kezeńde áskerdi kúsheitip, qarýly kúshterdiń áleýetin kóterýge basa kóńil bólýimiz kerek.
Birneshe kúnnen beri álemettik jelide QR Qorǵanys ministrligi Túrkiianyń Otokar dep atalatyn kompaniiasynan 2 trln teńgege qorǵanys salasyna qajetti ARMA 8x8 dep atalatyn berendi kólikterin satyp alatyn bolypty degen áńgime jeldei esýde.
Biraq Qorǵanys ministrligi dál Otokar kompaniiasynyń beredi kólikterin satyp alý týrasynda eshqandai kelsimge kelmegenin, satyp alýlar oryn alǵan sátte berendi kólik óndiretin ózge kompaniialardyń usynystaryn qarastyratyndaryn alǵa taratty.
2 trln teńge shamamen 1,9 mlrd dollardy quraidy. Bul óte qomaqty qarjy. Nazarbaev rejimi kezinde bolmashy jobalarǵa milliardtap qarjy shashtyq qoi. Onyń janynda áskerge qajetti berendi kólik satyp alyp, Qarýly kúshterdiń qýatyn arttyrýdy halyq ta qoldaityny anyq.
Elimizdiń aqparattyq keńistiginde osy aqparat taraǵaly beri, osyǵan deiin memlekettiń qorǵanys salasyna bólingen qyrýar aqshasyn igerip kelgen Kazakhstan Paramount Engineering kompaniiasynyń qojaiyny Aibek Barysov ta únsiz qalmady. Ol áleýmettik jelide oiyn aitty.
Aitpaqshy, oqyrmandarymyz bile júrsin Aibek Barysovtyń kompaniiasy da 8x8 platformasynda Barys dep atalatyn berendi kólik shyǵaratynyn esterińizge salamyz. Barysov búi deidi:
– Qorǵanys ministrliginiń 800 dana berendi kólik satyp alýdy josparlap otyrǵanyn biz de estidik. Túriktiń ARMA dep atalatyn berendi kóligin uqsas tehnikany biz de shyǵaramyz. Bizdiń kólikter baǵa aiyrmashylyǵy boiynsha 40%-ǵa arzan, – dep Barysov oiyn ortaǵa salypty.
Iá, Aibek Barysovtyń afrikandyqtarmen birlesip, Barys dep atalatyn berendi kólik shyǵaratynyn bilemiz. Biraq kezinde Ulysmedia.kz portaly Barysov shyǵaratyn Barys berendi kóligi áskeri synaqtan durys ótpegenin jazǵan bolatyn.
Óz kezeginde eks-ministr Nurlan Ermekbaev «Barys 8h8 berendi kóligin Qarýly kúshter qataryna qabyldaýǵa áli erte. Ol áskeri poligonda tiisti synaqtardan tolyq óta alǵan joq. Bul kólikti jetildire túsý kerek», – dep oiyn aitqany esimizde.
Iá, Úkimet ózimizde óndirilip jatqan ónimdi qoldaýy kerek. Biraq áskeri salaǵa qajetti tehnikalar talaptarǵa sai bolýy mańyzdy. Synaqtan ótpegen tehnikaǵa memlekettiń milliardtaryn shashýdyń ne qajeti bar?
Sondyqtan Aibek Barysov áli bolmaǵan kelsim jaiynda áńgime qylyp, daýdyń shoǵyn úrlegenshe, tehnikasyn jetildirýmen ainalyssa durys bolar edi.
Nurlan Jumahan
