"Munyń barlyǵy qaýipsizdik maqsatynda jasalyp otyr. Tolyq ruqsat etilmegenge deıin qalaǵa qaıtpańyzdar, qurmetti turǵyndar.
Sebebi Arystyń kósheleri men joldarynda jarylmaǵan oq-dári bolýy ábden múmkin.
Ázir arnaıy shaqyrylǵan saperler toby tekserý-tazalaý jumystaryn bastady. Bul is aıaqtala salysymen, turǵyndarǵa úılerine oralýǵa ruqsat beriledi", - dedi vedomstvo basshysy.
Mınıstr sonymen qatar halyqty úılerindegi dúnıe-múlikke alańdamaýǵa shaqyrdy.
"Qazirgi tańda qaladaǵy barlyq úı quqyq qorǵaý organdarynyń qatań baqylaýynda, osy sebepti dúnıe-múlikke alańdamasańyzdar bolady. Urlyq-qarlyq, tonaý-úpteý bolmaıdy. Áskerı qalashyqtar men qarý-jaraq ta áskerılerdiń baqylaýynda", - dedi Ermekbaev.
Aıta ketelik Arys qalasyndaǵy jarylystan soń qarý, basqalarǵa qaýip týdyratyn zattar men nárselerdi saqtaý erejesin buzý baby boıynsha qylmystyq is qozǵaldy.
Al áleýmettik jelide kýágerler túsirgen vıdeolar kóptep shyǵyp jatyr.
https://youtu.be/NZeN3aGthUI
