Qazaqstannyń eńbek sińirgen qairatkeri, jazýshy, rejisser, kinodramatýrg Ermek Tursynov Almaty Superski jobasyn qoldaitynyn bildirdi, dep habarlaidy dalanews.kz.
Onyń aitýynsha, bul bastama Almatynyń týristik áleýetin arttyryp, taý infraqurylymyn damytýǵa jańa serpin beredi.
«2018 jyly osyndai otyrysta da atalǵan jobalardy qoldaǵanmyn. Búgin ǵalymdar, biznes ókilderi, sport mamandary óz salasymen bailanystyryp jaqsy pikir aitty. Álemniń túrli memleketinde boldym, kóp jerde jergilikti halyq taý kýrorttarynyń ashylýyn qýanyshpen qabyldaidy. Óitkeni mundai jobalar óńirdiń ekonomikasyna, týrizmniń damýyna úlken paida ákeledi. Bul joba da qalaǵa oń áserin beredi dep senemin. Eńbektegen baladan eńkeigen qartqa deiin taýǵa kóterilip, demalýǵa múmkindik alady. Sondyqtan jobany qoldaimyn», – dedi Ermek Tursynov.
