Premer-Ministriniń keńesshisi Ermek Marjyqpaev jumys saparymen Soltústik Qazaqstan oblysyna baryp, óńirdiń negizgi ónerkásiptik jáne infraqurylymdyq nysandarymen tanysty,- dep habarlaidy Dalanews.kz
«Petropavl elektrotehnikalyq zaýyty» 4 jyl buryn jumysyn bastap, osy ýaqyt ishinde 10 myń transformator óndirdi. Biylǵy jospar — 8 myń dana. Qazirgi ýaqytta kásiporynda 200 adam jaqsy tabys alady. Kásiporyn qurǵaq transformatorlar óndirisin igerýdi josparlap otyr.
Jańa «Maslodel» mai ekstraktsiialaý zaýyty qarqyn alyp keledi. Ol jylyna 400 myń tonna maily daqyldardy óńdeidi. Jobaǵa 34 milliard teńge investitsiia salyndy, 220 jańa jumys orny ashyldy. Kásiporyn qazaqstandyq naryqty kúnbaǵys maiymen qamtamasyz etip, importqa táýeldilikti azaitady.
«ZIKSTO» zaýyty jolaýshylar vagondary men platformalaryn qurastyrý úshin robottandyrylǵan tehnologiialardy engizýde. Bul maqsatta jańa óndiristik korpýs salynyp jatyr. Sondai-aq, jartylai vagondar, munai ónimderine arnalǵan tsisternalar men avtokólik tasymaldaýshylar óndirisin igerý josparlanýda.
«Evrazian Milk» sút zaýyty ónim assortimentin keńeitip, irimshik, sary mai jáne qyshqyl sút ónimderin shyǵarady. Qazirgi ýaqytta qoiýlandyrylǵan sút óndirýge arnalǵan jańa jeli ornatylýda. Kásiporynnyń damýy nátijesinde 200-den astam jumys orny quryldy.
«Qyzyljar sý» JShS sý tazartý kesheninde Ermek Marjyqpaevqa sýmen jabdyqtaý salasyndaǵy jobalardyń júzege asyrylýy týraly baiandaldy. Birinshi kótergish sorǵy stantsiiasynyń qaita jańǵyrtylýy júrgizilýde. Eýropalyq sý astynda jumys istei alatyn jańa agregattar ornatyldy. Stantsiia ainalasyndaǵy dambany nyǵaitý úshin alǵash ret gabiondyq qurylymdar qoldanyldy, bul bóget tasqynǵa tótep berdi. Sondai-aq, turaqty elektrmen jabdyqtaý úshin jer astymen kabel tóseldi. Bul sharalar oblys ortalyǵyn úzdiksiz sýmen qamtamasyz etedi.
Sapar barysynda infraqurylymdyq jobalardy iske asyrý, óńirdiń investitsiialyq tartymdylyǵyn arttyrý, ozyq tehnologiialardy engizý jáne oblystyń ónerkásiptik áleýetin odan ári damytý máseleleri talqylandy.
