پرەمەر-مينيسترٸنٸڭ كەڭەسشٸسٸ ەرمەك مارجىقپاەۆ جۇمىس ساپارىمەن سولتٷستٸك قازاقستان وبلىسىنا بارىپ, ٶڭٸردٸڭ نەگٸزگٸ ٶنەركەسٸپتٸك جەنە ينفراقۇرىلىمدىق نىساندارىمەن تانىستى,- دەپ حابارلايدى Dalanews.kz
«پەتروپاۆل ەلەكتروتەحنيكالىق زاۋىتى» 4 جىل بۇرىن جۇمىسىن باستاپ, وسى ۋاقىت ٸشٸندە 10 مىڭ ترانسفورماتور ٶندٸردٸ. بيىلعى جوسپار — 8 مىڭ دانا. قازٸرگٸ ۋاقىتتا كەسٸپورىندا 200 ادام جاقسى تابىس الادى. كەسٸپورىن قۇرعاق ترانسفورماتورلار ٶندٸرٸسٸن يگەرۋدٸ جوسپارلاپ وتىر.
جاڭا «ماسلودەل» ماي ەكستراكتسييالاۋ زاۋىتى قارقىن الىپ كەلەدٸ. ول جىلىنا 400 مىڭ توننا مايلى داقىلداردى ٶڭدەيدٸ. جوباعا 34 ميلليارد تەڭگە ينۆەستيتسييا سالىندى, 220 جاڭا جۇمىس ورنى اشىلدى. كەسٸپورىن قازاقستاندىق نارىقتى كٷنباعىس مايىمەن قامتاماسىز ەتٸپ, يمپورتقا تەۋەلدٸلٸكتٸ ازايتادى.
«زيكستو» زاۋىتى جولاۋشىلار ۆاگوندارى مەن پلاتفورمالارىن قۇراستىرۋ ٷشٸن روبوتتاندىرىلعان تەحنولوگييالاردى ەنگٸزۋدە. بۇل ماقساتتا جاڭا ٶندٸرٸستٸك كورپۋس سالىنىپ جاتىر. سونداي-اق, جارتىلاي ۆاگوندار, مۇناي ٶنٸمدەرٸنە ارنالعان تسيستەرنالار مەن اۆتوكٶلٸك تاسىمالداۋشىلار ٶندٸرٸسٸن يگەرۋ جوسپارلانۋدا.
«ەۆرازيان ميلك» سٷت زاۋىتى ٶنٸم اسسورتيمەنتٸن كەڭەيتٸپ, ٸرٸمشٸك, سارى ماي جەنە قىشقىل سٷت ٶنٸمدەرٸن شىعارادى. قازٸرگٸ ۋاقىتتا قويۋلاندىرىلعان سٷت ٶندٸرۋگە ارنالعان جاڭا جەلٸ ورناتىلۋدا. كەسٸپورىننىڭ دامۋى نەتيجەسٸندە 200-دەن استام جۇمىس ورنى قۇرىلدى.
«قىزىلجار سۋ» جشس سۋ تازارتۋ كەشەنٸندە ەرمەك مارجىقپاەۆقا سۋمەن جابدىقتاۋ سالاسىنداعى جوبالاردىڭ جٷزەگە اسىرىلۋى تۋرالى باياندالدى. بٸرٸنشٸ كٶتەرگٸش سورعى ستانتسيياسىنىڭ قايتا جاڭعىرتىلۋى جٷرگٸزٸلۋدە. ەۋروپالىق سۋ استىندا جۇمىس ٸستەي الاتىن جاڭا اگرەگاتتار ورناتىلدى. ستانتسييا اينالاسىنداعى دامبانى نىعايتۋ ٷشٸن العاش رەت گابيوندىق قۇرىلىمدار قولدانىلدى, بۇل بٶگەت تاسقىنعا تٶتەپ بەردٸ. سونداي-اق, تۇراقتى ەلەكترمەن جابدىقتاۋ ٷشٸن جەر استىمەن كابەل تٶسەلدٸ. بۇل شارالار وبلىس ورتالىعىن ٷزدٸكسٸز سۋمەن قامتاماسىز ەتەدٸ.
ساپار بارىسىندا ينفراقۇرىلىمدىق جوبالاردى ٸسكە اسىرۋ, ٶڭٸردٸڭ ينۆەستيتسييالىق تارتىمدىلىعىن ارتتىرۋ, وزىق تەحنولوگييالاردى ەنگٸزۋ جەنە وبلىستىڭ ٶنەركەسٸپتٸك ەلەۋەتٸن ودان ەرٸ دامىتۋ مەسەلەلەرٸ تالقىلاندى.
