BAÁ-de ómir boiyna sottalǵan 22 jastaǵy qazaqstandyqqa birneshe aýyr aiyp taǵylǵan. Syrtqy ister ministrligi ókili istiń mán-jaiyn aitty, dep habarlaidy dalanews.kz.
Vedomstvo málimetinshe, Dýbai soty 18 naýryzda Qazaqstan azamatyn kináli dep tanyp, ony ómir boiyna bas bostandyǵynan aiyrý jáne aiyppul tóleý jazasyna kesken.
SIM dereginshe, qazaqstandyqqa qatysty qylmystyq is 2025 jyly qozǵalǵan. Oǵan adam urlaý, zańsyz bas bostandyǵynan aiyrý, densaýlyqqa aýyr ziian keltirý jáne adamnyń ar-namysy men qadir-qasietine qol suǵý baptary boiynsha aiyp taǵylǵan. Qazir úkimge apelliatsiialyq shaǵym berilgendikten, sot sheshimi zańdy kúshine enbegen.
Buǵan deiin jigittiń týystary onyń kinásiz ekenine senetinin aitqan edi. Jigittiń jaqyndarynyń sózinshe, ol 2024 jyly kúzde BAÁ-ge jumys isteýge ketip, júrgizýshi bolyp eńbek etken. Anasy ulyna jala jabylǵan bolýy múmkin dep esepteidi.
