Qurban ait merekesi qarsańynda Astana qalasynyń sanitariialyq-epidemiologiialyq baqylaý departamenti turǵyndarǵa veterinariialyq jáne sanitarlyq talaptardy saqtaý qajettigin eskertti, dep habarlaidy dalanews.kz.
Departament basshysynyń orynbasary Muhamǵali Aryspaevtyń aitýynsha, talaptardy saqtaý juqpaly aýrýlar men taǵamnan ýlanýdyń aldyn alýǵa kómektesedi.
Ol mal soiý tek resmi bekitilgen arnaiy oryndarda júrgizilýi tiis ekenin aitty. Al turǵyn úilerdiń aýlalarynda nemese kópqabatty úiler mańynda mal soiýǵa tyiym salynǵan.
Maman etti mindetti túrde salqyn jerde saqtaý qajet ekenin eske saldy. Sonymen qatar onyń balǵyndyǵyn tekserip, taǵamdy tolyqtai pisirip paidalaný mańyzdy ekenin atap ótti.
Biyl Qurban ait 27-29 mamyr aralyǵynda ótedi.
Sondai-aq zańsyz mal soiý faktileri anyqtalǵan jaǵdaida turǵyndardan 102 nómirine habarlasý suraldy. Budan bólek, onlain formatta qurbandyq shalýǵa múmkindik beretin arnaiy servis te qoljetimdi ekeni aityldy.
