2026 jyldyń alǵashqy toqsanynda Qazaqstanda elektr energiiasyn ótkizý kólemi aitarlyqtai artqan. Bul kórsetkish 2025 jyldyń osy kezeńimen salystyrǵanda eki eseden kóp ósken, dep habarlaidy dalanews.kz.
Atap aitqanda, 2025 jyldyń alǵashqy úsh aiynda elektr energiiasyn ótkizý kólemi 33 055,7 mln kVt/saǵat bolsa, biyl bul kórsetkish 67 482,2 mln kVt/saǵatqa jetken.
Sonymen qatar elektr energiiasynyń importy da kúrt óskeni baiqalady. Eger byltyr import kólemi 744,3 mln kVt/saǵat bolsa, 2026 jyly ol 34 413,8 mln kVt/saǵatqa deiin ulǵaiǵan. Osylaisha import kólemi 46 eseden astam artqan.
Aita keteiik, buǵan deiin Energetika ministrligi 2026 jyldyń alǵashqy úsh aiyndaǵy elektr energiiasy óndirisi men tutyný kólemi týraly esep jariialaǵan edi.
Ministrlik málimetinshe, osy kezeńde elde 33,7 mlrd kVt/saǵat elektr energiiasy óndirilgen. Al tutyný kólemi 33,6 mlrd kVt/saǵat bolǵan.
«Osylaisha elektr energiiasyn óndirý kóleminiń profitsiti 100 mln kVt/saǵat deńgeiinde qamtamasyz etildi», – delingen ministrlik habarlamasynda.
