Bul týraly Pravda.kz telegram-arnasy habarlady dep jazady kaz.orda.kz.
«Alynǵan aqparat boiynsha, QR parlamenti Májilisiniń burynǵy spikeri Nurlan Nyǵmatýlinniń egizi Erlan Nyǵmatýlin qamaýǵa alyndy» delingen habarlamada.
Arnanyń aqparaty boiynsha, Nyǵmatýlinge alaiaqtyq, salyq tóleýden jaltarý, kedendik tólemder, qylmystyq kiristerdi zańdastyrý faktileri boiynsha aiyp taǵylyp otyr.
«Qazir oǵan qatysty sotqa deiingi tergeý júrip jatyr, Nyǵmatýlinniń ózi jáne onyń birqatar «kómekshileri» qamaýǵa alyndy.
«Sondai-aq, qolda bar aqparatqa sáikes, quqyq qorǵaý organdarynyń Nurlan Nyǵmatýlinge de birqatar suraqtary bar. Alaida onyń qaida ekeni ázirge belgisiz» delingen habarlamada.
Bul týraly ázirge resmi aqparat joq.
Nurlan Nyǵmatýlin qańtar oqiǵasynan keiin 2022 jylǵy 1 aqpanda Májilis Spikeri qyzmetinen ketti. Ol Parlamenttiń tómengi palatasyn 2016 jyldan bastap basqarǵan. Oǵan deiin ol 2012-2014 jyldary Májilis Spikeri bolǵan edi. Ár jyldary ol Prezident ákimshiligin basqardy jáne Qaraǵandy oblysynyń ákimi boldy.
Erlan Nyǵmatýlin – Nurlan Nyǵmatýlinniń egiz inisi. Ol Májilistiń de, Senattyń da depýtaty bolǵan.
