ءماجىلىستىڭ ەكس-سپيكەرى نۇرلان ءنىعماتۋليننىڭ ەگىز-باۋىرى، سەناتتىڭ ەكس-دەپۋتاتى ەرلان نىعماتۋلين قاماۋعا الىندى.

بۇل تۋرالى Pravda.kz telegram-ارناسى حابارلادى دەپ جازادى kaz.orda.kz.

«الىنعان اقپارات بويىنشا، ق ر پارلامەنتى ءماجىلىسىنىڭ بۇرىنعى سپيكەرى نۇرلان ءنىعماتۋليننىڭ ەگىزى ەرلان نىعماتۋلين قاماۋعا الىندى» دەلىنگەن حابارلامادا.

ارنانىڭ اقپاراتى بويىنشا، نىعماتۋلينگە الاياقتىق، سالىق تولەۋدەن جالتارۋ، كەدەندىك تولەمدەر، قىلمىستىق كىرىستەردى زاڭداستىرۋ فاكتىلەرى بويىنشا ايىپ تاعىلىپ وتىر.

«ءقازىر وعان قاتىستى سوتقا دەيىنگى تەرگەۋ ءجۇرىپ جاتىر، ءنىعماتۋليننىڭ ءوزى جانە ونىڭ ءبىرقاتار «كومەكشىلەرى» قاماۋعا الىندى.

«سونداي-اق، قولدا بار اقپاراتقا سايكەس، قۇقىق قورعاۋ ورگاندارىنىڭ نۇرلان نىعماتۋلينگە دە ءبىرقاتار سۇراقتارى بار. الايدا ونىڭ قايدا ەكەنى ازىرگە بەلگىسىز» دەلىنگەن حابارلامادا.

بۇل تۋرالى ازىرگە رەسمي اقپارات جوق.

نۇرلان نىعماتۋلين قاڭتار وقيعاسىنان كەيىن 2022 جىلعى 1 اقپاندا ءماجىلىس سپيكەرى قىزمەتىنەن كەتتى. ول پارلامەنتتىڭ تومەنگى پالاتاسىن 2016 جىلدان باستاپ باسقارعان. وعان دەيىن ول 2012-2014 جىلدارى ءماجىلىس سپيكەرى بولعان ەدى. ءار جىلدارى ول پرەزيدەنت اكىمشىلىگىن باسقاردى جانە قاراعاندى وبلىسىنىڭ اكىمى بولدى.

ەرلان نىعماتۋلين – نۇرلان ءنىعماتۋليننىڭ ەگىز ءىنىسى. ول ءماجىلىستىڭ دە، سەناتتىڭ دا دەپۋتاتى بولعان.