Qazaqstandyq akter ári aralas jekpe-jek ókili Erkebulan Toqtar ózbekstandyq faiter Shahzod Ýzokovpen (Gold) kezdesýge kelisim berdi, dep habarlaidy Dalanews.kz.
Jekpe-jek Octagon promoýsheni aiasynda ótpek. Aldyn ala málimet boiynsha aiqas 2026 jylǵy naýryzǵa josparlanǵan. Bul týraly Erkebulan Toqtar áleýmettik jelidegi paraqshasynda habarlady.
Bul kezdesý kópten beri jankúierlerdiń nazarynda. Sebebi qos sportshy da áleýmettik jelide bir-birine túrli málimdeme jasap, aiqasqa shaqyryp júrgen. Osylaisha olardyń arasyndaǵy sóz tartysy naqty jekpe-jekke ulasty.
Birneshe kún buryn Gold laqap atymen tanymal Shahzod Ýzokov qazaqstandyq sportshyǵa qatysty pikir bildirip, Erkebulan Toqtardy buǵan deiin tanymaǵanyn aitqan.
Eske salaiyq, Erkebulan Toqtar buǵan deiin 27 jeltoqsanda Tashkenttegi "Hýmo Arenada" oktagonǵa shyqty. Ol ózbekstandyq Timýr Nikýlinmen kezdesip, jekpe-jekti alǵashqy raýndta tehnikalyq nokaýtpen aiaqtaǵan edi.
