قازاقستاندىق اكتەر ەرٸ ارالاس جەكپە-جەك ٶكٸلٸ ەركەبۇلان توقتار ٶزبەكستاندىق فايتەر شاحزود ۋزوكوۆپەن (Gold) كەزدەسۋگە كەلٸسٸم بەردٸ, دەپ حابارلايدى Dalanews.kz.
جەكپە-جەك Octagon پروموۋشەنٸ اياسىندا ٶتپەك. الدىن الا مەلٸمەت بويىنشا ايقاس 2026 جىلعى ناۋرىزعا جوسپارلانعان. بۇل تۋرالى ەركەبۇلان توقتار ەلەۋمەتتٸك جەلٸدەگٸ پاراقشاسىندا حابارلادى.
بۇل كەزدەسۋ كٶپتەن بەرٸ جانكٷيەرلەردٸڭ نازارىندا. سەبەبٸ قوس سپورتشى دا ەلەۋمەتتٸك جەلٸدە بٸر-بٸرٸنە تٷرلٸ مەلٸمدەمە جاساپ, ايقاسقا شاقىرىپ جٷرگەن. وسىلايشا ولاردىڭ اراسىنداعى سٶز تارتىسى ناقتى جەكپە-جەككە ۇلاستى.
بٸرنەشە كٷن بۇرىن Gold لاقاپ اتىمەن تانىمال شاحزود ۋزوكوۆ قازاقستاندىق سپورتشىعا قاتىستى پٸكٸر بٸلدٸرٸپ, ەركەبۇلان توقتاردى بۇعان دەيٸن تانىماعانىن ايتقان.
ەسكە سالايىق, ەركەبۇلان توقتار بۇعان دەيٸن 27 جەلتوقساندا تاشكەنتتەگٸ "حۋمو ارەنادا" وكتاگونعا شىقتى. ول ٶزبەكستاندىق تيمۋر نيكۋلينمەن كەزدەسٸپ, جەكپە-جەكتٸ العاشقى راۋندتا تەحنيكالىق نوكاۋتپەن اياقتاعان ەدٸ.
