Almaty qalasy Din isteri basqarmasynyń basshysy N. Qiqymov baiandama jasady, «Din máselelerin zertteý ortalyǵy», «Keńes berý jáne ońaltý ortalyǵy» KMM vedomstvolyq baǵynyshty uiymdardyń basshylyǵy tyńdaldy.
Búgingi kúni qalada 17 konfessiia ókili bolyp tabylatyn 184 tirkelgen dini birlestik jumys isteidi. 115 ǵibadat úii qyzmet kórsetedi, onyń ishinde 52 meshit, 20 pravoslav shirkeýi men soborlar. Din salasynda aǵymdaǵy jyly 16 joba iske asyrylýda, 10 ÚEU jáne ózge de uiymdar tartyldy.
Konfessiiaaralyq kelisimdi qamtamasyz etý maqsatynda Almatyda dini birlestikter kóshbasshylarynyń klýby jumys isteidi. Konfessiialar men memlekettik organdar ókilderiniń arasyndaǵy senimdi qarym-qatynastardy damytýǵa oń yqpal etetin túrli mádeni, sporttyq is-sharalar men jinalystar ótkiziledi.
Dini saýattylyqty arttyrý, halyqtyń zaiyrlylyq qaǵidattaryn jáne radikaldy ideologiianyń ziiandylyǵyn túsindirý úshin aqparattyq-túsindirý jumystary júrgiziledi. Jyl basynan beri 63 myń adamdy qamtyǵan 507 is-shara ótkizildi, bul 2020 jylǵa qaraǵanda 80%-ǵa artyq. Dini ahýaldy baǵalaý boiynsha áleýmettik zertteý nátijelerine sáikes halyqtyń din salasyndaǵy memlekettik saiasatty qoldaýy 89,1%-dy quraidy.
Alqa qorytyndysy boiynsha qala ákiminiń orynbasary Erjan Babaqumarov konfessiiaaralyq kelisimdi nyǵaitý máseleleri boiynsha rýhani-túsindirý jumysyn kúsheitýdi, sondai-aq ekstremizm men terrorizmge qarsy is-qimyl máselelerinde memlekettik organdardyń barlyq múddeli uiymdarmen ózara is-qimylyn kúsheitýdi tapsyrdy.
Sonymen qatar, Din isteri basqarmasy «Rýhani jańǵyrý» KMM jáne Almaty qalasy QMDB filialymen birlesip, azamattardyń týǵan ólkesin damytýǵa, áleýmettik máselelerdi sheshýge, onyń ishinde áleýmettik nysandar, mektepter, meditsinalyq mekemeler salý jónindegi jobalardy iske asyrýǵa, sondai-aq ómirlik qiyn jaǵdaiǵa tap bolǵan azamattarǵa kómek kórsetýge baǵyttalǵan «Týǵan jer» arnaiy jobasyna metsenattardy tartý boiynsha birlesken jumys josparlandy.
