الماتى قالاسى ءدىن ىستەرى باسقارماسىنىڭ باسشىسى ن. قيقىموۆ بايانداما جاسادى، «ءدىن ماسەلەلەرىن زەرتتەۋ ورتالىعى»، «كەڭەس بەرۋ جانە وڭالتۋ ورتالىعى» كمم ۆەدومستۆولىق باعىنىشتى ۇيىمداردىڭ باسشىلىعى تىڭدالدى.
بۇگىنگى كۇنى قالادا 17 كونفەسسيا وكىلى بولىپ تابىلاتىن 184 تىركەلگەن ءدىني بىرلەستىك جۇمىس ىستەيدى. 115 عيبادات ءۇيى قىزمەت كورسەتەدى، ونىڭ ىشىندە 52 مەشىت، 20 پراۆوسلاۆ شىركەۋى مەن سوبورلار. ءدىن سالاسىندا اعىمداعى جىلى 16 جوبا ىسكە اسىرىلۋدا، 10 ۇەۇ جانە وزگە دە ۇيىمدار تارتىلدى.
كونفەسسياارالىق كەلىسىمدى قامتاماسىز ەتۋ ماقساتىندا الماتىدا ءدىني بىرلەستىكتەر كوشباسشىلارىنىڭ كلۋبى جۇمىس ىستەيدى. كونفەسسيالار مەن مەملەكەتتىك ورگاندار وكىلدەرىنىڭ اراسىنداعى سەنىمدى قارىم-قاتىناستاردى دامىتۋعا وڭ ىقپال ەتەتىن ءتۇرلى مادەني، سپورتتىق ءىس-شارالار مەن جينالىستار وتكىزىلەدى.
ءدىني ساۋاتتىلىقتى ارتتىرۋ، حالىقتىڭ زايىرلىلىق قاعيداتتارىن جانە راديكالدى يدەولوگيانىڭ زياندىلىعىن ءتۇسىندىرۋ ءۇشىن ءاقپاراتتىق-تۇسىندىرۋ جۇمىستارى جۇرگىزىلەدى. جىل باسىنان بەرى 63 مىڭ ادامدى قامتىعان 507 ءىس-شارا وتكىزىلدى، بۇل 2020 جىلعا قاراعاندا 80%-عا ارتىق. ءدىني احۋالدى باعالاۋ بويىنشا الەۋمەتتىك زەرتتەۋ ناتيجەلەرىنە سايكەس حالىقتىڭ ءدىن سالاسىنداعى مەملەكەتتىك ساياساتتى قولداۋى 89،1%-دى قۇرايدى.
القا قورىتىندىسى بويىنشا قالا اكىمىنىڭ ورىنباسارى ەرجان باباقۇماروۆ كونفەسسياارالىق كەلىسىمدى نىعايتۋ ماسەلەلەرى بويىنشا ءرۋحاني-تۇسىندىرۋ جۇمىسىن كۇشەيتۋدى، سونداي-اق ەكسترەميزم مەن تەرروريزمگە قارسى ءىس-قيمىل ماسەلەلەرىندە مەملەكەتتىك ورگانداردىڭ بارلىق مۇددەلى ۇيىمدارمەن ءوزارا ءىس-قيمىلىن كۇشەيتۋدى تاپسىردى.
سونىمەن قاتار، ءدىن ىستەرى باسقارماسى «رۋحاني جاڭعىرۋ» كمم جانە الماتى قالاسى قمدب فيليالىمەن بىرلەسىپ، ازاماتتاردىڭ تۋعان ولكەسىن دامىتۋعا، الەۋمەتتىك ماسەلەلەردى شەشۋگە، ونىڭ ىشىندە الەۋمەتتىك نىساندار، مەكتەپتەر، مەديسينالىق مەكەمەلەر سالۋ جونىندەگى جوبالاردى ىسكە اسىرۋعا، سونداي-اق ومىرلىك قيىن جاعدايعا تاپ بولعان ازاماتتارعا كومەك كورسەتۋگە باعىتتالعان «تۋعان جەر» ارنايى جوباسىنا مەسەناتتاردى تارتۋ بويىنشا بىرلەسكەن جۇمىس جوسپارلاندى.
