Ereýilge shyqqan munaishylar "erte zeinetke shyǵý" baǵdarlamasynyń qatysýshylary bolyp shyqty
"West Oil qyzmetkerleri zańǵa qaishy talaptardy kóterýi alǵash ret emes. Mysaly, 2021-2022 jyldary olar ózderi jumys isteitin kompaniiaǵa ulttyq statýs berýdi talap etti. Onyń ústine ereýildeýshiler 2017-2018 jyldary "merziminen buryn zeinetke shyǵý" – "5/50" baǵdarlamasyna qatysqan adamdar. Iaǵni, olar bes jyl buryn birden jalaqynyń 50 paiyzyn alyp, jumystan shyqqan", - dedi senbide QazTAG redaktsiiasyna jaǵdaimen tanys derekkóz iesi.
Onyń aitýynsha, osy jaǵdai Aqtaýdaǵy qurylys naryǵyn kótergen.
"Baǵdarlamaǵa qatysýshylar arasynda zeinetkerlik jasqa jaqyn adamdar ǵana emes, sonymen qatar eńbekke qabiletti 35 jastaǵy eazamattar da boldy.
Shamasy, bes jyl jumys istemeýge bolady dep eseptep, baǵdarlamaǵa qatysýǵa sheshim qabyldaǵan. Olardyń árqaisysy milliondaǵan qarajat aldy, bir bóligi kólik, endi biri Aqtaýda turǵyn úi satyp ala bastady. Bul jerde júzdegen adamdar týraly áńgime júrip jatyr. Bir ýaqytta naryqqa qansha qarajat túskenin elestetip kórińizshi – Aqtaýda qurylys býmy bastaldy, oǵan kommýnikatsiialyq infraqurylym ilese almady. Aqtaýdaǵy jylý men sýǵa bailanysty qazirgi jaǵdai is júzinde sol oqiǵalardyń saldary", - dedi agenttikke suhbat berýshi.
Sondai-aq, ol "5/50" baǵdarlamasyna qatysý erikti bolǵanyn atap ótti.
"Eshkim eshkimdi qatysýǵa májbúrlegen joq. Olar aqshasyn aldy. Aqyldy adamdar sol arqyly kásip ashty. Kóbisi West Oil kompaniiasyna jumysqa ornalasty. Endi olar zańsyz ǵana emes, aqylǵa qonymsyz jańa talaptarmen ereýilge shyǵýda. Muny kópshilik túsinedi. Munaishylar arasynda ózara yntymaqtastyqtyń myqty ekenin jaqsy bilemiz. Ádiletsizdik oryn alǵan kezde keibir kompaniiadaǵy munaishylar bas kóterse, olarǵa basqa kompaniialardyń munaishylary da qosylyp, ereýilge shyǵa bastaidy. Bul joly olai emes, óitkeni basqa kompaniialarda munaishylar West Oil jumysshylarynyń talaptarynyń aqylǵa qonymsyzdyǵyn túsinedi. Tipti, kóptegen adamdar ereýilshilerdiń áreketterine degen tańdanysyn jasyrmaidy", - dedi derekkóz.
Mańǵystaý oblysynyń ákimdigi QazTAG agenttigine West Oil Software kompaniiasynyń barlyq ereýilge shyqqan qyzmetkerleri – "5/50" baǵdarlamasynyń qatysýshylary ekenin rastap otyr.
"2017-2018 jyldary Oil Transport Corporation JShS (OTK) jekelegen qyzmetkerleri taraptardyń kelisimi boiynsha eńbek qatynastaryn merziminen buryn buzý baǵdarlamasyn ("5/50" baǵdarlamasy) paidalandy. Onyń ornyna olar bes jyldyq kezeńdegi laýazymdyq jalaqysynyń 50% mólsherinde aqshalai ótemaqy aldy. Onyń ishinde 517 burynǵy OTK qyzmetkerleri WOS-qa jumysqa ornalasty. 2023 jylǵy 1 qazandaǵy jaǵdai boiynsha WOS-ta OTK-nyń 454 burynǵy qyzmetkeri jumys isteidi", - dep habarlady Mańǵystaý oblysy ákimdigi.
Ákimdikte habarlaǵandai, jalpy sany 4801 qyzmetker bosatylǵan. Bir qyzmetkerge ortasha eseppen 11 mln teńge, jalpy quny 44 mlrd teńge ótemaqy tólengen.
Oblys ákimdiginde atap ótkendei, "WOS shtatyna aýysqysy keletin jumysshylarǵa bes jyl boiy jumys oryndarynyń saqtalýyna, belgili bir mólsherdegi jalaqy deńgeii men eń tómengi áleýmettik paketke kepildik berildi".
"Jumys ornynan aýysý kezinde ortasha jalaqy 235 650 teńge bolǵan. 2021 jyldyń qyrkúieginde WOS qyzmetkerleriniń jalaqysy 36%-ǵa ósip, ortasha eseppen 322 975 teńgege jetken. Sondai-aq, áleýmettik paket ekiden 18 pozitsiiaǵa deiin ulǵaitylyp, jyl saiynǵy jalaqyny indeksteý engizildi. 2022 jyly ortasha jalaqy 652 596 teńgeni qurady jáne áleýmettik paketti 18-den 30 pozitsiiaǵa deiin keńeitý týraly Ujymdyq shart jasaldy. 2023 jyly WOS boiynsha ortasha jalaqy 735 616 teńgeni qurady", - dep naqtylady oblys ákimdiginde.
Esterińizge sala keteiik, buǵan deiin Mańǵystaý oblysynda "West Oil Software" JShS qyzmetkerleriniń ereýili zańsyz dep tanylǵan bolatyn, al kompaniianyń osy jaǵdaiǵa bailanysty uńǵymalarda apat qaýpi týyndaýy múmkin ekenin málimdegen bolatyn.
