Erekshe qorǵalatyn saiasi qyzmetkerler óz kiristerin ashyp kórsetpeýge quqyly. Olardyń ál-aýqaty týraly málimetter jumystarynyń ereksheligine bailanysty qupiia saqtalady. Bul týraly Úkimet otyrysynyń qorytyndysy boiynsha ótken baspasóz málihatynda Qarjy ministri Mádi Tákiev aitty, dep habarlaidy Dalanews.kz.
Aita ketsek, Jalpyǵa birdei deklaratsiialaý týraly zańǵa sáikes, 2025 jylǵy 1 qańtardan bastap shendi-shekpendiler men saiasatkerler de tabysy týraly aqparatty mindetti túrde jariialaýy tiis. Osyǵan bailanysty jýrnalister qoiǵan suraqqa Qarjy ministri bylai jaýap qatty:
"Erekshe qorǵalatyn saiasatkerlerdi qospaǵanda barlyǵy bul talapty oryndaityn bolady. Ózim úlgi bolyp, ony birinshi tapsyrýǵa ýáde beremin".
Al "bizdegi erekshe qorǵalatyn saiasatkerler kimder" degen suraqqa ol:
"Prezident, Premer-ministr jáne Parlament palatalarynyń qos spikeri" dep jaýap qatty.
