ەرەكشە قورعالاتىن ساياسي قىزمەتكەرلەر ءوز كىرىستەرىن اشىپ كورسەتپەۋگە قۇقىلى. ولاردىڭ ءال-اۋقاتى تۋرالى مالىمەتتەر جۇمىستارىنىڭ ەرەكشەلىگىنە بايلانىستى قۇپيا ساقتالادى. بۇل تۋرالى ۇكىمەت وتىرىسىنىڭ قورىتىندىسى بويىنشا وتكەن باسپا ءسوز ءماليحاتىندا قارجى ءمينيسترى ءمادي تاكييەۆ ايتتى، دەپ حابارلايدى Dalanews.kz.
ايتا كەتسەك، جالپىعا بىردەي دەكلاراسيالاۋ تۋرالى زاڭعا سايكەس، 2025 جىلعى 1 قاڭتاردان باستاپ شەندى-شەكپەندىلەر مەن ساياساتكەرلەر دە تابىسى تۋرالى اقپاراتتى مىندەتتى تۇردە جاريالاۋى ءتيىس. وسىعان بايلانىستى جۋرناليستەر قويعان سۇراققا قارجى ءمينيسترى بىلاي جاۋاپ قاتتى:
"ەرەكشە قورعالاتىن ساياساتكەرلەردى قوسپاعاندا بارلىعى بۇل تالاپتى ورىندايتىن بولادى. ءوزىم ۇلگى بولىپ، ونى ءبىرىنشى تاپسىرۋعا ۋادە بەرەمىن".
ال "بىزدەگى ەرەكشە قورعالاتىن ساياساتكەرلەر كىمدەر" دەگەن سۇراققا ول:
"پرەزيدەنت، پرەمەر-مينيستر جانە پارلامەنت پالاتالارىنىڭ قوس سپيكەرى" دەپ جاۋاپ قاتتى.
