Astanada erekshe balalarǵa qatysty daýly videodan keiin bloger ustaldy, dep habarlaidy Dalanews.kz.
Áleýmettik jelide bloger erekshe kútimdi qajet etetin balalardyń ata-analaryna qatysty ádepsiz sózder aitqan video taraǵan, al politsiia ákimshilik is qozǵady.
"Video avtory ustalyp, politsiia bólimine jetkizildi. Usaq buzaqylyq deregi boiynsha jinalǵan materialdar sheshim qabyldaý úshin sotqa jiberiledi", - dedi politsiia.
Astana Politsiia departamenti jelide adamnyń jeke basyna qatysty balaǵat, qorlaý sipatyndaǵy sózder aityp, taratý qoldanystaǵy zańnamaǵa sáikes jaýapkershilikke ákelip soǵatynyn eskertti.
