Túrkıa prezıdenti Rejep Taıyp Erdoǵannyń basty qarsylasy Fethýllah Gúlen ómirden ótti, - dep habarlaıdy Dalanews.kz.
Túrkıada terorıstik dep jarıalanǵan FETO uıymynyń negizin qalaýshy Fethýllah Gúlen AQSH-ta kóz jumdy. Bul aqparatty onyń jıeni Ebýsseme Gúlen rastady.
Fethýllah Gúlen AQSH-ta 1999 jyldan beri turady. Ol 84 jasynda 20 qazanda Pensılvanıadaǵy klınıkada jan tapsyrdy.
Aıta keteıik, 2016 jyldyń 16 shildesinde Túrkıada «áskerı tóńkeris» bolǵan edi. «Áskerı tóńkeris» bolǵan sátten birer mınýt ótken soń, el prezıdenti Rejep Taıyp Erdoǵan «tóńkeristi Gúlen uıymdastyrdy» dep málimdeme jasap úlgergen edi.
Tóńkeristen keıin aınaldyrǵan 4-5 kúnniń ishinde júzdegen myń adamdy jumystan shyǵaryp, tutqyndaý operasıasy bastalǵan bolatyn. Alaıda, Gúlen taǵylǵan aıypty «jala» dep taýyp, halyqaralyq komısıa qurýǵa shaqyrǵan edi. Araǵa 8 aıǵa jýyq ýaqyt salyp, Germanıa, Amerıka, Anglıa memleketteri «áskerı tóńkeriske» baılanysty birinen soń biri málimdeme jasap, arnaıy pikir bildirdi. Nemis Qaýipsizdik qyzmeti (BND) basshysy Brýno Kahl tóńkeris áreketiniń artynda Gúlen tur degenge dálel joqtyǵyn aıtqan.
«Der Spiegel» http://www.spiegel.de/international/germany/german-intelligence-chief-bruno-kahl-interview-a-1139602.html jýrnalyna suhbat bergen Kahl 15 shildedegi tóńkeris jasaýǵa árekettiń Túrkıada memlekettik qyzmetkerlerdi jumystan qýyp, qarsylastardy túrmege tyqqan «tazalaý tolqyny» úshin «bir syltaý» retinde qoldanylǵanyn aıtyp, «Tóńkeris rasynda júzege asqan kúnniń ózinde qazir kórgenderimizdi kórer edik, múmkin dál osyndaı tereńdik pen radıkaldy keıipte bolmas edi» dedi.
Tóńkeris áreketiniń artynda Fethýllah Gúlen turǵandyǵy jaıly dálel taba almaǵandaryn aıtqan Kahl “Túrkıa kóp jaǵynan bizdi osyǵan kóndirýge tyrysty, alaıda degenderine áli jete qoımady” dedi.
BND basshysy budan bólek Gúlen jamaǵatyn Túrkıanyń radıkal ıslamshyl ne terrorlyq uıymǵa jatqyzýymen kelispeıtinin, qozǵalysty «zaıyrly bilim berý úshin eńbek etip jatqan azamattyq qoǵam» retinde sıpattaǵan.
